Juan Jose Makazaga

Biografiak - Fitxa ikusi Atal honi buruz gehiago jakiteko

Izena: Makazaga, Juan Jose
Izen abizen osoak: Makazaga Mendiburu, Juan Jose
Jaiotza: 1887 Altza + Altza < Donostia < Donostialdea < Gipuzkoa < Euskal Herria
Heriotza: 1963 Errenteria + Errenteria < Oarsoaldea < Gipuzkoa < Euskal Herria

Biografia: Errenteriako Makazaga moldiztegiko nagusia zen. Garbizalekeria indarrean, bertsolarien hizkerari mordoiloa iritzita hauen aurkako jarrera egonik ere, bertsoa eta bertsolarien aldeko apustu garbia egin zuen Makazagak: Bertsolariya aldizkaria, Bilintx'en bertsuak, Euskal Herriko Kanta zarrak, Txirritaren Testamendua, Xenpelar'en bertsuak...

Guztiak gogoangarriak izanik ere, Bertsolariya aldizkaria da nabarmentzekoa : 1931ko irailetik 1932ko abendura bitartean argitaratu zuen, bertso zahar eta berriz osaturiko lau orrialdeko aldizkaritxoa. 14 hilabetetan zehar astero; bilduma gisa jaso ahal izateko, azal dotore batzuk banatu zituen gero.