Biografiak - Fitxa ikusi Atal honi buruz gehiago jakiteko
Izarne Zelaia
Datu pertsonalak
- Izena
- Zelaia, Izarne
- Izen abizen osoak
- Zelaia Arratibel, Izarne
- Jaiotza
- 1984 Donostia + Donostia < Donostialdea < Gipuzkoa < Euskal Herria
Bertsolaritzan
- Jarduera mota nagusia
- Bertsolaria
Datu biografikoak
- Biografia
- Donostiako Egia auzokoa da. Arte Ederretan lizentziatua eta majisteritzan graduatua, irakaslea da ofizioz. Aitarengandik jaso zuen zaletasuna eta Hernaniko bertso eskolan hasi zen 16 urte ingururekin. 2000-2001 ikasturtean bertso eskolako irakasle izan zen Zurriola ikastolan. Gipuzkoako eskolarteko txapelketan eta Plazatik gaztetxera zein Osiñalde gazte sariketetan parte hartu zuen besteak beste. 2015-2016 ikasturtean "Bertsotan ikasten" helduentzako ikastaroan aritu zen irakasle Donostiako Lugaritz kultur etxean. 2015ean parte hartu zuen lehenengoz Gipuzkoako bertsolari txapelketako sailkapen fasean. Gaur egun Añorgako bertso eskolako kide da.