BDB Bertsolaritzaren datu-basea

Informazio orokorra

Kategoria

Ez bat-batekoa

Aldizkako Ekitaldia

Lore Jokoak (3. 1853. Urruña) Idatzizkoa

Bertsolariak / Egileak

Celhabe, Bernard

Deskribapena

Izenburua

Entzunik espantutan Indien berria

Dokumentuan jasotako izenburua

Entzunik espantutan Indien berria

Dokumentuan jasotako bertsoaren hasiera

Entzunik espantutan Indien berria, Beldurtu ere gabe othe den egia

Data

1853-00-00

Doinua

Ozaze Jaurgainian

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

11

Bertso dokumentu mota

Liburua

Edukia

Interneten

http://hedatuz.euskomedia.org/4008/

Kokapena

Kokapena

XDZ - Xenpelar Dokumentazio Zentroa

Argitalpen datuak

Argitalpenaren izenburua

Anton Abbadiaren koplarien guduak (1851-1897) : Bertso Bilduma [Liburua]

Entzunik espantutan Indien berria [Bertsoa] / Bernard Celhabe

Neurria:  Zortziko txikia (hg) / Lau puntuko txikia (ip)  Dokumentu-mota:  Liburua  Argitalpenaren izenburua:  Anton Abbadiaren koplarien guduak (1851-1897) : Bertso Bilduma [Liburua]
Kokapena:  XDZ - Xenpelar Dokumentazio Zentroa 

---

I
Entzunik espantutan Indien berria,
Beldurtu ere gabe othe den egia,
Montebidorat noha zenbait urtherentzat,
Aisia bildu nahiz azken egunentzat.

II
Ez naukan hainitz herritik joaitea,
Guti nakien zer zen nigar egitea,
Untzirat nohanean orai dut sentitzen
Damuaren eztena bihotzean sartzen.

III
Bertz-aldiz zihoazkigun irritan egunak,
Tristerik orai ditut aldean lagunak,
Adiotarat zaizkit nigarrez hurbiltzen,
Iduri naiotela bethikotzat hiltzen.

IV
Sor lekhuan nituen esteka guziak,
Ez dakit handik urrun zer daukan biziak,
Adios erraiten herri maiteari,
Bihotza zaurthua, naiz eman nigarrari.

V
Diruaren goseak etxetik narama,
Utzi behar dut aita, utzi behar ama,
Segurantzarik gabe nihoiz bihurtzeko,
Iragan atseginak berriz kobratzeko.

VI
Lur atzean zuhaitza laster iraungitzen,
Desterruan gizona gazterik zahartzen,
Han galdeturen bethi herria bihotzak,
Eskasa ez betheko irabazi untzak.

VII
Desterruan non kausi herriko mendiak,
Aiten egin ederren lekhuko handiak?
Ohitu ezkila ere ez dut adituren,
Bozkariorat ez nau bestetan deithuren.

VIII
Desterruko bidean erortzen denari
Lagun onik etzaio agertzen sokhorri,
Eritzean ez duke amaren artharik,
Hil daiteke inguruan nihor gabetarik.

IX
Adios, Eskual-Herri hanbat onhetsia,
Hire zerua zaitak ezin ahantzia,
Uzten darozkitziat maite ditudanak,
Ethor bahi, aita-amak, haurreko lagunak.

X
Noizbait ahanzten badut ene ama ona,
Beldur ez nadin ethor, nigarrez dagona,
Ahanzten badut aita, ahanzten herria,
Nihoiz ez bekit mugi ahoan mihia.

XI
Urrun, Jauna, niganik, othoi, zorigaitza
Hustua kausitzeko aita-amen egoitza!
Aitzitik egidazu bihur nadin laster,
Eta goza ditzadan luzaki zuri-esker.

Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/