BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (16. 2013)

Saioa

2013-12-15 Barakaldo Txapelketa 11:00

Gai-emailea

Jauregi, Saroi

Bertsolariak / Egileak

Elortza, Igor

Iturriaga, Unai

Lana

Binaka gaia-emanda

Jarritako gaia

Santomasetan, talo-postuan zaudete biok. Unai, zu taloak egin eta egin ari zaren bitartean, Igor bezero batekin eta bestearekin berriketan dabil.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

Argitalpen datuak

Argitalpenaren izenburua

Bertsolari Txapelketa Nagusia 2013 [Liburua]

2013-12-15 Barakaldo Txapelketa 11:00 [Bertsoa] / Igor Elortza, Unai Iturriaga

Neurria:  Zortziko txikia (hg) / Lau puntuko txikia (ip)  Argitalpenaren izenburua:  Bertsolari Txapelketa Nagusia 2013 [Liburua]
Kokapena:  XDZ - Xenpelar Dokumentazio Zentroa 

---

U. Iturriaga:
Euskal talo onena
ta horrenbeste mezu
zure laguntzarekin
Igor nauzu kexu:
ni taloak egiten
hementxe jo ta su
eta zuk hor txistorra
dantzatzen diezu. (bis)

I. Elortza:
Zu talogile zaharra
zara ta jakina
nire bide hau duzu
ulertu ezina.
Modernizatu nahi dut
nik langintza fina
talotegiak ere
behar du marketina. (bis)

U. Iturriaga:
Zu zara jakituna
ba beraz egia
noski ez naiz izango
modernoegia.
Marketina alper-lana
dugu alegia
eta talogileak
talo aurpegia. (bis)

I. Elortza:
Zuk talo aurpegia
duzula diozu
baina ez zazu egin
arren estropozu.
Ile zuri ta guzti
ederki zatoz zu
autentizidadea
ematen diozu. (bis)

U. Iturriaga:
Pozik egongo zara
umorea jarriz
baldin banu talo bat
ondo betea harriz!
Beraz ile txuriak
ematen du neurriz
zuk donostiarrarena
eiten duzu berriz. (bis)

I. Elortza:
Bikote ona gara
basati ta panpin
zu taloak egiten
ekin eta ekin
nik ere izerdia
hainbeste marketin
orain egidazu bat
txorixo onarekin. (bis)