Bertsoak - Fitxa ikusi Atal honi buruz gehiago jakiteko
Oporrak kanpingean [Bertsoa] / Ainhoa Agirreazaldegi
Oporrak kanpingean [Bertsoa] / Ainhoa Agirreazaldegi
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Argia [Aldizkaria] Argitalpen data:
2014-09-07
Kokapena:
XDZ - Xenpelar Dokumentazio Zentroa
Gorputzak eta buruak
bazuten haien desira
ta oporrak egin ditugu
gure beharren neurrira.
Nafarroko kanping baten
hogei egunez guztira
orain kanpotik jarrita
oporraldiai begira:
eguneroko ohiturei
so egitea aski da
soziologo batek azkar
aterako luke gida:
kanpingean ere lehengo
mundu denak batzen dira.
Partzelan gosaldu edo
tabernan barra gainean,
ingurutara muitu edo
beti leku jakinean,
telebista batekin joan
edo e-booka soinean,
haurrekin denbora pasa
edo askatu ring-ean,
lentejak edo kostillak
parrilarik haundinean,
arropak garbitu edo ez;
eta nork? Azken finean…
Lehengo mundu guztiak
batzen dira kanpinean.
Bikoteak haserretu
edo erraz jarri ados,
norberaz hitz egin edo
beste denei adarra joz,
oporrak dastatzen egon
edo bukatzeko gogoz,
dagonaz gozatu edo
amestu gehiago askoz…
Hutsune handien ispilu
egi txikien altaboz
oporretan iraultzarik
ez da gertatu oraingoz:
kanpineko mundu denak
berriz gizartera gatoz.
Datu-base honetan eskainitako informazioari buruz jakiteko, kontsultatu lege oharra