Bertsoak - Fitxa ikusi Atal honi buruz gehiago jakiteko
2016-12-17 Bilbo Txapelketa [Bertsoa] / Xabat Galletebeitia
| Bertsoa entzun |
2016-12-17 Bilbo Txapelketa [Bertsoa] / Xabat Galletebeitia
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Kokapena:
XDZ - Xenpelar Dokumentazio Zentroa
Soilik geunden telebista
eta neure egongela
albisteak jarri ditut
maiz egiten dut horrela
berez txarra den notizi
batek astindu sabela
baina ez pentsa ipini
dudanik bisai goibela
“hil egin da” titularra
ta argazkia, eskela
zur eta lur geratu naiz
nola uste dena dela
gizon baten heriotzaz
poztu beharko nuela. (bis)
Jende piloa agertu
ez da ba pantailan bertan
hilobi baten aurrean
negarrez eta berbetan
oroitzapenak etorri
zaizkit burura benetan
ahaztuta neuzkan mamuak
dantzan nire ezinetan
odola bor-borka jarri
zait irakiten zainetan
bizitza osoa noa
mamu haien ordainetan
torturatu ninduenak
lorak dauzka baina bertan. (bis)
Intxaurrondon ikusten naiz
zintzilik bere amuan
bere oihuak entzuten
bere ohiko tonuan
lurpean dago gaur egun
ni sofa baten tronuan
pentsatzen dut hoba nitaz
beste egin bazenu han
hilobirik ederrena
duzu zure eremuan
leku onena eduki
zenuen lez gobernuan
baina lasai elkartuko
gara berriz infernuan. (bis)
Datu-base honetan eskainitako informazioari buruz jakiteko, kontsultatu lege oharra