Bertsoak - Fitxa ikusi Atal honi buruz gehiago jakiteko
1995-04-29 Urnieta Txapelketa [Bertsoa] / Jon Eizmendi, Andoni Larrañaga
1995-04-29 Urnieta Txapelketa [Bertsoa] / Jon Eizmendi, Andoni Larrañaga
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Eizmendi
Zuk badakizu gure kuadrilan
badira lagun jatorrak
afal ondoan nik bezelaxe
txit astapotro koxkorrak.
Bertso kantari busti beharko
gure eztarri lehorrak,
txapelketako txekearekin
ordainduko ditut zorrak.
Larrañaga
Nere lagunaK bertsolarien
pinta handirikan ez du,
era hontako jendea ezin
elkarte hontan babestu.
Ezin liteke bertso txarrikan
onak bezela eskertu.
Utzi ezer ez, kendu gehiena
eta jendea aspertu.
Eizmendi
Gure kuadrilan aritu gera
afalondoan abesten,
saiatuko naiz ni horko zorrak
nola ordaindu litezken,
derrigorrean afalonduan
jardunaz baita ikasten.
Errezaiua errezaturik
zaila dago irabazten.
Larrañaga
Bi mila duroz ezin ordaindu
egindako zor gehienak,
hauek ikusiz sarri askotan
ni bultzatu ohi nau penak.
Berdin handian berdin txikian
oso akats nabarmenak
eta lehenengo kanporaketan
baztertuko dira denak.
Eizmendi
Direktoriak gaur esperantza
ona ematen ez digu
ta txapelketan zer gertako dan
saioa bera testigu.
Orain tanta bat probatu zazu
konbentzituko zaitugu,
kanta ezazu ta gerokua
gero pentsatuko degu.
Larrañaga
Nik oso gaizki ikusten zaitut
aitortzen dizut egitan.
Txarragorikan ez det ikusi
mundu honetan begitan.
Pentsatuko det, pentsatuko det
lehenago esan du bitan,
beti horrela agurtzen zaigu
etorritako guztitan.
Datu-base honetan eskainitako informazioari buruz jakiteko, kontsultatu lege oharra