Bertsoak - Fitxa ikusi Atal honi buruz gehiago jakiteko
1995-05-05 Elgoibar Txapelketa [Bertsoa] / Aitor Sarriegi
1995-05-05 Elgoibar Txapelketa [Bertsoa] / Aitor Sarriegi
Neurria:
Neurri luzekoak
Kokapena:
XDZ - Xenpelar Dokumentazio Zentroa
Bizi honetan zein gogorra den
paioekiko morrontza,
egia esan jokabide hau
iduri zait arras motza.
Lehen eguna klasean eta
halako harrera hotza,
urduri naiz eta lotsa, (bis)
esku batekin burua tapa
ta bestearekin poltsa,
azal iluna daukat nik baina
hale're badut bihotza. (bis)
Esan liteke niri urrutitik
hartu didatela usai,
zalantzak dauzkat maisua bera
ez ote den denen itzai.
Jarrera hori ikusi eta
ni nolatan egon lasai!
Zalantzak dauzkat nolanahi
ta amorrua ere bai.
Izango al naiz une krudel hau
sekula gainditzeko gai...
nere lagunak ez direnekin
laguntasunik ez dut nahi.(bis)
Datu-base honetan eskainitako informazioari buruz jakiteko, kontsultatu lege oharra