BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (8. 2007)

Saioa

2007-10-28 Zumaia Txapelketa

Gai-emailea

Zaldua, Ion

Bertsolariak / Egileak

Gorostidi, Bixente

Sarriegi, Aitor

Lana

Binaka gaia-emanda

Jarritako gaia

Asteburu pasa antolatzen ari zarete koadrilan. Zuk, Bixente, bikotekideak ere gonbidatu nahi dituzu. Zuk, Aitor, ez.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2007-10-28 Zumaia Txapelketa [Bertsoa] / Bixente Gorostidi, Aitor Sarriegi

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

B. Gorostidi: Hurrengo aste hortan
lau jai egun daude
egin behar genuke
ingurutik alde;
bikoteak gurekin
eramanda hobe:
aspertu egingo gera
bikoterik gabe. (bis)

A. Sarriegi: Kuadrilako plana ta
hau fundamentua!
Nun utzi ote dezu
zuk eskarmentua?
Oihua ta parranda
juerga ta kantua...
Nik ez det aspertu nahi
hori da kontua. (bis)

B. Gorostidi: Izango degu dantza
eta kalejira...
Denok binaka gaude
datua hori da;
har ditzagun gurekin
Aitor tira, tira
edo egun osoan
deika ariko dira. (bis)

A. Sarriegi: Nola ausartu zera
hori esatera?
Beraz ez etortzea
da gure kaltera;
hain zuzen ere egin
behar da aukera
koberturarik ez dan
tokiren batera. (bis)

B. Gorostidi: Koberturarik gabe
leku gutxi daude
Everestera ezin
eingo degu alde!
Har zazu bikotea
egizu mesede;
hartara izango degu
txandatzeko ere. (bis)

A. Sarriegi: Nahiz eta latzak bota
guk orain elkarri
beti ibili zera
nahiko parregarri;
nahi dedana egingo det
muturrik ez jarri;
nahi badezu hurrengoan
ama ere ekarri. (bis)