Bertsoak - Fitxa ikusi Atal honi buruz gehiago jakiteko
2001-05-11 Azkoitia Txapelketa [Bertsoa] / Imanol Epelde
2001-05-11 Azkoitia Txapelketa [Bertsoa] / Imanol Epelde
Neurria:
Neurri luzekoak
Kokapena:
XDZ - Xenpelar Dokumentazio Zentroa
Nire jabeak azken arnasa
eman du izu ta anker
helikoptero batean noa.
iritsi nahi nuke laster;
ez nendin izan denbora eta
ezin eginaren maizter,
galtzeko ez daukat ezer. (bis)
Etorkizunai begira jarriz
sentitzen dut mila plazer,
bizi berri bat sortuko baitut
nire taupadari esker. (bis)
Bizi berri bat sortuko badut
zertarako egon penetan,
mila milagro egiten dira
gaur egun ospitaletan.
Benga mediku sartu nazazu
bezeroan barrenetan
asmatuko du horretan. (bis)
Ilusioa badaukat behintzat,
ez beza falla benetan,
neri eskerrak biziko baita
beste berrogei urtetan (bis)
Ni izango naiz pertsona horrek
derrigorrezko dun giltza,
aldez aurretik halare garbi
nahiko nuke behintzat mintza:
ez dedin izan etorkizuna
dohakabe eta hitsa,
sarritan hola gabiltza. (bis)
Hauxe izango da zoritxar dena
kendu dezakeen baldintza;
nik maitasuna emango dizut,
zuk emaidazu bizitza (bis)
Datu-base honetan eskainitako informazioari buruz jakiteko, kontsultatu lege oharra