Bertsoak - Fitxa ikusi Atal honi buruz gehiago jakiteko
2009-10-10 Leitza Txapelketa [Bertsoa] / Ainhoa Agirreazaldegi, Ibon Ajuriagojeaskoa
| Bertsoa entzun |
2009-10-10 Leitza Txapelketa [Bertsoa] / Ainhoa Agirreazaldegi, Ibon Ajuriagojeaskoa
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Agirreazaldegi
Ohartu gabe pasatu ditu
honek'e hamabost negu
aita ta ama ama ta aita
zituen beti eredu
elkarrengandik horren hurbil ta
holako xamur beti gu
orain gozatzen ari da eta
zerbait ondo egin degu.
I. Ajuria
A ze sorpresa guk izan dugun
parke barruan sartuta
gure alaba hor dagolako
mutiko bati helduta.
Ze estiloa! Hortxe dabiltza
ezpainak txupa ta txupa...
Gure alabak zure moduan
ez du egiten muxuka.
A. Agirreazaldegi
Batzutan goxo eta besteetan
ikusten dut horren gartsu
nik bezelaxe Iratik dauka
barruan makina bat su.
Eta aitatxo itxura denez
muxu eskean zaude zu
behin erakutsi zenidan baina
berriz erakutsidazu.
I. Ajuria
Joan gaitezen banku batera
gu Ainhoa berehala
ni ziur nago guretzat ere
aukera hori badala.
Begira nago gure alabari
berak muxu eman ahala
gar hori laister joango zaio-ta
aprobetxatu dezala!
A. Agirreazaldegi
Hamabost urte baino ez ditu
ta muxuka ondo dago.
Alaba eta aitan artean
ni berotu naiz zeharo
parkea utzita nik gelarantza
nahi nuke orain igaro
zeren urteak ditugu biok
hamabost baino gehiago.
I. Ajuria
Egia da bai biok etxean
egongo garela bapo
nola egiten dan ere ahaztu dugu
ta gogoratu beharko.
Beraz sorpresa txiki bat behintzat
Ainho badut zuretzako
ospatu daigun gure alaba
zoriontsua dalako.
Datu-base honetan eskainitako informazioari buruz jakiteko, kontsultatu lege oharra