Bertsoak - Fitxa ikusi Atal honi buruz gehiago jakiteko
2009-10-10 Leitza Txapelketa [Bertsoa] / Ibon Ajuriagojeaskoa
| Bertsoa entzun |
2009-10-10 Leitza Txapelketa [Bertsoa] / Ibon Ajuriagojeaskoa
Neurria:
Hamaikakoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Tentagarria nahiz eta izan
Gobernuak gaur esana
alper-alperrik ni Indikoan
luzaro ez naiz izana.
Ezagutzen dut erreskatea
ta dagoen panorama
hemen egin dugu lana
eta ondo doa plana.
Ez dut onartzen niri eskaini
didaten gaur diru dana
luzaroago gure eskutan
egongo da Alakrana. (bis)
Hor ibili da atunontzia
ozeanoan galduta
eta guk berriz jarraitzen dugu
orain arteko burruka.
Eskubidea gurea dela
hau ezin daiteke uka
dana digute zurrupa
borondatearen aurka.
Beraz hobeto egongo gara
milioi gehiago hartuta
eurek bezala guk ere berdin
jan beharra daukagu-ta! (bis)
Astebete ja pasatu da ta
oraindik gaude honela
aurrerapenik ez dugu izan
espero gendun bezela
baina badakit gure arazoa
laister konponduko dela.
Hortxe dago marinela
ta estu dauka kordela.
Baina sentitu gura badute
euren etxeen epela
dirua ez da eurentzat traba
ta ordaindu dezatela! (bis)
Datu-base honetan eskainitako informazioari buruz jakiteko, kontsultatu lege oharra