BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (15. 2009)

Saioa

2009-10-17 Uztaritze Txapelketa

Gai-emailea

Itzaina, Joana

Bertsolariak / Egileak

Estiballes, Arkaitz

Muñoa, Unai

Lana

Binaka gaia-emanda

Jarritako gaia

Zu, Unai, autobus gidaria zara. Lehendabiziko geltokian igo da Arkaitz autobusera; azken geltokira iritsi zarete jada, eta Arkaitz ez da oraindik jaitsi autobusetik.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2009-10-17 Uztaritze Txapelketa [Bertsoa] / Arkaitz Estiballes, Unai Muñoa

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

U. Muñoa

Trankil-trankil igo da
ez barre ez negar
bere bizar luzeaz
eta mehar-mehar
lan bila ote dabil
biajean zehar?
Bakarrik moldatzen naiz
ta ez zaitut behar. (bis)

A. Estiballes

Bilbora etorri gabe
horrenbeste urte...
Jo ze edifizio
ta zenbat bertute!
Alde bat ikusi dut
euro baten truke
bueltan beste aldea
ikusi nahi nuke. (bis)

U. Muñoa

Ez dut ondo ulertzen
pitzatuta dago
ikusi nahi duela
paisaia gehiago.
Hori ez da egia
hau da hain arraro...
A! ta badaezpada:
ezkonduta nago. (bis)

A. Estiballes

Lasai konponbiderik
ez baitaukagu guk
honaino iritsi naiz
eurotxo baten truk.
Buelta ere egingo
duzunez laister zuk
zuri ze ajola dizu
ordaintzen badizut? (bis)

U. Muñoa

Erreparatu diot
nere aldamenetik.
Zu Estiballes zera
bai orain badakit!
Egidazu firma bat
hementxe kolpetik
bainan ezetz gelditu
Muñoan aurretik! (bis)

A. Estiballes

Estiballes naiz baina
zuk hartu arnasa.
Turismo bulegora
joateko kapaza
eta esango diet
"Orritxo bat pasa.
Bilboko autobusetan
zerbitzu eskasa". (bis)