BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (15. 2009)

Saioa

2009-10-18 Zarautz Txapelketa

Gai-emailea

Jauregi, Saroi

Bertsolariak / Egileak

Agirre Goia, Unai

Munduate, Joxe

Lana

Binaka gaia-emanda

Jarritako gaia

Unaik hala nahita, kanpinera joan zarete oporretara. Ekaitzak zuen kanpin-denda eraman du, eta kanpineko komunean zaudete busti-busti eginda.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2009-10-18 Zarautz Txapelketa [Bertsoa] / Unai Agirre Goia, Joxe Munduate

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Munduate

Kanpinean nahi zendun
berdin zan noranahi
baina ideia ona
ez zan izango ai!
Ebia hasi da-ta
euri-jasak darrai...
Ilerik ez zait busti
beste guztia bai! (bis)

U. Agirre

Nahiz ta kanpin bat hartu
genuen lehenago
orain teilatu on bat
behar zan gehiago.
Komunera etorriak
gu tximu zeharo
lur hotza dauka baino
haiz gaizki ez dago. (bis)

J. Munduate

Itxura dadukazu
ijitoarena
ta nik begiratuta
ematen det pena.
Ondoren pulmonin bat
guregana hurrena
hau baino hobea da
hotelik txarrena! (bis)

U. Agirre

Nahiz lagunak nahi lukeen
hemendikan alde
oporretan gaudela
ez da nobedade.
Pulmonia hartzea
ez degu hain grabe
ospitalian oso
ohe onak daude. (bis)

J. Munduate

Hara ez nuke joan nahi
ta ez disimula
baina oraintxe daukat
gorputzaldi ahula.
Uste nuen nik Unai
jakingo zendula
zuhurraren poltsak beti
bi zulo ditula. (bis)

U. Agirre

Ezer txarrik ez diot
nik opa inorri
baina ez det hemendik
ihes joan nahi korri.
Txanda bukatu zaio
lehengo bikote horri
ni komunera nua
nahi badezu etorri! (bis)