Bertsoak - Fitxa ikusi Atal honi buruz gehiago jakiteko
2008-12-08 Markina-Xemein Jaialdia [Bertsoa] / Amaia Agirre, Jone Uria Albizuri
| Bertsoa entzun |
2008-12-08 Markina-Xemein Jaialdia [Bertsoa] / Amaia Agirre, Jone Uria Albizuri
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
A. Agirre: Begiradak atzera
egiten dit ihes
hauek izan litezke
gozamenan juez
baina hortik ez zazu
hautatu mesedez!
Exotikotik gutxi
ta pornotik batez! (bis)
J. Uria: Maialen bikoteak
azelako sua!
Ta Onintza Iratxeri
emanez musua...
Baina agertu nahi dut
nik nire kasua:
abendurako gorde
nahi dut Sarasua. (bis)
A. Amaia: Nahiz eta Sarasua
dezun zuk nagusi
eman nahi dizkiozu
hamaika igurtzi.
Baina hori aspaldi zen
gazteen kutizi
Sarasua ez dezu
aspaldi ikusi! (bis)
J. Uria: Baina hainbeste neska
behar gara batu
Andoni ikusteko
sukaldean altu
eta berak dezala
ondo aukeratu
txapel beltzarekin zer
nahi duen tapatu. (bis)
A. Agirre: Egaña ikusi nahi du
paretan barrena
txapeldunak erretzen
lehen bazun kemena.
Ez dauka zer tapatu
horixe da pena!
Hori da sutarako
aitzaki onena. (bis)
J. Uria: Aukeratzea zaila
odola borborka
bertsotan jeneroa
ederra dago-ta!
Baina hautatu dezagun
kanpora nor bota:
deskartatu Lizaso
eta Mañukorta. (bis)
A. Agirre: Ia nere bixki bat
badaukat aurrean
indarra baduena
bere apurrean.
Onintza eta biok
gatoz indarrean
baina ez gera kabitzen
orri bakarrean! (bis)
J. Uria: Beraz egutegian
ez zara abila
posterra egin ezazu
handi borobila
ta beste ideia batzuk
zenbat iskanbila...
gaiak jartzen Zuriñe
agertu dadila! (bis)
Datu-base honetan eskainitako informazioari buruz jakiteko, kontsultatu lege oharra