BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Abra Saria (1. 2002. Getxo)

Saioa

2002-04-20 Getxo Sariketa

Gai-emailea

Castro, Aitzol De

Bertsolariak / Egileak

Mantzizidor, Iñigo "Mantxi"

Lana

Bakarka gaia-emanda

Jarritako gaia

20 urte dituzun gaztea zara. Aita betidanik ama jotzen ezagutu duzu. Atzo hil zuen aitak ama. Zer datorkizu burura?

Deskribapena

Doinua

Maitasuna da bizi izateko

Neurria / Estrofaren izena

Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2002-04-20 Getxo Sariketa [Bertsoa] / Iñigo Mantzizidor "Mantxi"

Neurria:  Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Txikitandikan ikusi eta
nolatan ni ez ohartu
aitak amatxo hainbat alditan
jipoitu eta behartu.
Txikia izan ta ezertara
ez naiz sekula ausartu
egia zertan ukatu?
Aita nahi nuke urkatu! (bis)
Beste aukerarik ez det ta amaren
hilotzari begiratu
baten bihotza geratu egin da
nerea azeleratu. (bis)

Ubeldurekin eta markekin
betea dauka azala
amatxo ez dago jada bizirik
Jaunak anpara nazala!
Nola ahaztu aita kabroian
indarkerizko itzala?
Lehen txikia nintzala
geldik nengoen aibala! (bis)
Nahiz sakonean maitatzen dedan
nik bera aita bezala
maitasunaren alde iluna
ere probatu dezala! (bis)

Odola daukat borborka eta
ezin det segi horrela.
Hau bukatu da, nahiz lehen tragatu
zetorrena zetorrela:
labana hartu edo lepotik
igarotzeko kordela...
Baina pentsatu det bela
zertan prestatu eskela? (bis)
Aita alua ez det ez hilko
lehen esan dedan bezela
ez det nahi inork esan dezan ni
aitan iguala naizela. (bis)