1997-11-21 Ormaiztegi Jaialdia [Bertsoa] / Xabier "Euzkitze"

Hire bizitokia festa handia huen orain dela gutxi. Urtero bezala ahaidez, lagunez eta loreez lepo egon duk; orain berriro bakarrik hago, bakardaderik latzenean, datorren urtera arte, heure hilobian.

Deskribapena

Doinua

Ligoi bizitza ez da izaten

Neurria / Estrofaren izena

Neurri luzekoak

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

1997-11-21 Ormaiztegi Jaialdia [Bertsoa] / Xabier "Euzkitze"

Neurria: Neurri luzekoak
Kokapena: XDZ - Xenpelar Dokumentazio Zentroa

Hementxe nago ohitura honi
ondo ezin iritzita;
jendea dabil denek heldu nahi
eta ezin iritsita;
nigana inor ez ote zetorren
hemen nengoen etsita.
Bai kanposantu polita! (bis)
Denak burrukan hemen gaur zeinek
politagoa jarrita.
Nik horiek baino nahiago nuke
bihar goizeko bisita. (bis)

Lore bikainak enkargatzeko
bazuten nahiko interes.
Nik bat galduta sumatu dut hor,
nun ote nengoen galdez;
eta ez dago goxotasunik,
lagunik ere batere ez;
hor datza Xabier Perez. (bis)
Eskerrak gero zer zetorkidan
ez nuen nik jakin aurrez!
Bakarrik bego jarri behar luke
goian bego jarri ordez! (bis)

Alde batera ez dio ajola
pentsaturik hotz-hotzean;
bisita ez zait asko inporta,
geratu bitez etxean.
Itxurakeri hutsa da eta
horrek jartzen nau letxean,
sentumenturik ezean. (bis)
Bizi nintzela esaten zuten:
"zu zaitugu bihotzean"
nunbait betiko atera nintzen
herentzia kobratzean. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko