Bertsoak - Fitxa ikusi Atal honi buruz gehiago jakiteko
1991-08-17 Zizurkil Jaialdia [Bertsoa] / Jon Enbeita
Bertsoa entzun |
1991-08-17 Zizurkil Jaialdia [Bertsoa] / Jon Enbeita
Kokapena:
XDZ - Xenpelar Dokumentazio Zentroa
Mundu hontako denbora,
erdi arantz, erdi lora,
batzuek inoiz bizi ez eta
besteak gerora,
Otaño dator gogora,
esan dudanaren froga,
gure iloben ilobekin be
hura biziko da. (BIS)
Baina askok hortik aparte,
ez lan ta ez borondate,
sekula bizi gabe hiltzeko
martxa daramate,
beste asko etxe kalte,
anaien kontra jo-ta-ke,
eurak bakarrik hilgo balira
gaitzerdi litzake. (BIS)
Bihotz barnean daukat min,
gertatua ahaztu ezin,
odol gorria inorentzako
ez baita atsegin,
bada hainbat langile fin,
ejenplu ona Donostin,
hiltzen direnak euren Herria
bizi izan dedin. (BIS)
Datu-base honetan eskainitako informazioari buruz jakiteko, kontsultatu lege oharra