Bertsoak - Fitxa ikusi Atal honi buruz gehiago jakiteko
2005-12-18 Barakaldo Txapelketa 16:30 [Bertsoa] / Maialen Lujanbio
| Bertsoa entzun |
2005-12-18 Barakaldo Txapelketa 16:30 [Bertsoa] / Maialen Lujanbio
Neurria:
Neurri berezikoak
Kokapena:
XDZ - Xenpelar Dokumentazio Zentroa
Zure galtza motx, zure galtzerdi
ta margo horiko peto
Ronaldinhoren botak jantzita
etorri zera konpleto;
porteriaren azpian zeunden
baloi guzien menpeko
baina dexente sartu zaizkizu
eta zu lur jota seko.
Ez egin negar hiru gol triste
direla eta tarteko
ez naiz nekatzen adorea dut
lasai-lasai esateko:
aurrena galtzen ikasi behar da
irabazten jakiteko. (bis)
Malkoak kendu masailetik bai
neskato hola hobe da
beste batean igual hobeto
jokatuz ariko gera;
hartu trasteak ta aldagelara
zoaz besteekin batera
dutxatu zaite ta jantzi zaite
ta polit-polit atera
zuk bederatzi urte dituzu
ta nabarmena da zera:
dena hartzen duzu hil ala bizi
ta dena joku antzera
baina jolas bat baino ez dela
laister ohartuko zera. (bis)
Mundu guziak orain buruan
dauka zenbait kirolari
dena apustu ta desafio
orain kendu orain tori.
Lagun artean izanez gero
osasungarri da hori
baina lehiaren gordintasunik
ez opa neskatoori;
bizitza eta futbola berdin
dira eta jarri adi
galdu duzula nahiz ta jendea
burlan ta isekan ari
zu ez lotsatu zu ez beldurtu
eutsi zure buruari. (bis)
Datu-base honetan eskainitako informazioari buruz jakiteko, kontsultatu lege oharra