Biographies - Voir fiche Pour savoir plus sur cette section
Lierni Elortza
Datu pertsonalak
- Nom
- Elortza, Lierni
- Prénom et nom completes
- Elortza Puyadena, Miren Lierni
- Naissance
- 1965 Segura + Segura < Goierri < Gipuzkoa < Euskal Herria
Bertsolarisme
- Spécialisation principale
- Eragilea
- Spécializations
-
Organizateur Aurkezlea Bertso grabatzailea Bertso-irratsaiogilea Epailea Gai-jartzailea - Jarduerei buruzko azalpenak
- Bertso irratsaiogilea: "Kantu Kontari" (Segura Irratia) egilea eta aurkezlea,
Bertso-saio grabatzailea: Gipuzkoako Goierri eskualdeko saioak,
Gipuzkoako Bertsolari Txapelketa 1995: koordinatzailea orokorra eta kudeatzailea.
Euskal Herriko Bertsolari Txapelketa Nagusirako Gipuzkoako sailkapena 2001: antolatzaile batzordeko kidea.
Bertsulari Xapelgoa 2008 eta XILABA 2010, 2020 eta 2021:gai-jartzaile taldeko kide.
XILABA 2012, 2014 eta 2016: epaile.
Hernandorena Saria 2009 eta 2010: gai-jartzaile taldeko kide eta aurkezle.
Bertsulari Gazteen Xapelgoa 2017 eta 2018: epaile
Euskal Herriko Eskolarteko Txapelketa 2017: epaile
Seguran antolatu diren saioak (Elorri Kultur Elkartea):antolatzaile, gai-jartzaile eta aurkezle.
Information biographique
- Biographie
- Seguran, Errementari etxean (Gipuzkoa), jaio zen 1965eko uztailaren 10ean. Magisteritza ikasketak egin zituen Eskoriatzako Irakasle Eskolan; ikasketa hauek egiten ari zela hautazkoetan Xabier Amurizaren ikastaro batean eman zuen izena eta hala hurbildu zen bertsolaritzara.
Irakaskuntza ikasketak egin arren, nagusiki, irratigintzara, kulturgintzara eta ikerkuntzara bideratu du bizitza. Herria eta herrigintzarekin konprometitua, ofizioz zein afizioz, lankide eskuzabala izan da hainbat eta hainbat proiektuetan. Zerrenda amaigabea da parte hartu duen proiektuena: Elorri Kultur Elkartea, Hitz edo Irri, Euskaraz Elkarri euskara elkartea, Bertsozale Elkartea, Euskararen Unibertsoa Elkartea, Kukulumera Kultur Lanak, Seaska Ikastolen Ellkartea, Iparraldeko Euskal Irratiak, 111 Irakurleen akademia, Ahotsak, Goierriko Hitza, Segura Irratia, Gara egunkaria, ...
Bertsolaritzari dagokionez, alor asko jorratu ditu. Segura Irratian egin zuen "Kontu Kantari" bertso-irratsaioa tarteko hasi zen garaiko bertsolaritzaren gertuko jarraipena egiten: saioak grabatu, hautaketa egin, protagonistei elkarrizketak, agenda ... Bertsozale Elkartera hurbildu zen gero (izan da Gipuzkoako Bertsozale Elkarteko zuzendaritzakidea 1995etik 2000ra, Euskal Herriko Bertsozale Elkarteko zuzendaritzakidea 1997tik 2000ra eta Komunikazio saileko arduraduna 1998an) eta 1995eko Gipuzkoako Bertsolari Txapelketaren koordinazio eta kudeaketa lanak egiteko liberatu zen; txapelketa hori bukatu eta gero, 1998ra arte jarraitu zuen jardunaldi murriztuekin Elkarte honen proiektu nagusienak kudeatzen. 1999an, Euskal Herriko Bertsozale Elkarteak LANKU Kultur Zerbitzuak enpresa abian jartzeko ardura hartzea proposatu zion; desafioa bereganatu eta proiektuari oinarriak jarrita utzi zuen urtebetera. Horrekin batera eta ondoren, bere herriko saioetan eta hurbiletik egokitutako beste hainbat eta hainbatetan hartu du parte, antolatzaile, gai-jartzaile, aurkezle eta dagozkion lanak eginez. Azkainen (Lapurdi) bizi da 1998z gero eta bere ekarpena egiten dihardu, dela bertsulari gazteen txapelketan epaile gisara, Xilaba Bertsulari Txapelketako gai-jartzaile taldeko kide gisara, dela antolakuntza lanetan laguntzen.
Bertsolaritza eta irratigintzaz at, kulturgintza esparruan eta euskara irakaskuntzan aipatzeko lanak egin baditu ere, nabarmentzekoak dira parte hartutako etnografia ikerketa lanak eta argitalpenak: "Euskal herriko dantza txapelketa 1977-2001" (2001); "Zegama, Urbia eta Aizkorriko artzaintza. Artzain izan, artzaintza bizi: Ikuspegi etnografikoa" (2006); eta "Segurako Aste Santua. Lan isila" (2008).
Début dans le bertsolarisme
- Lehen plaza
- Gai-jartzaile: aurkezle: Bertsolari gazteen topaketetan, Elorri kultur elkarteko kideekin, Segura 1996.
Publications
- Argitaratutako liburuak
- Elorza Puyadena Mª Isabel eta Elorza Puyadena Lierni. "Euskal herriko dantza txapelketa 1977-2001". Segurako Udala, 2001.
Elorza Puyadena Mª Isabel eta Elorza Puyadena Lierni. "Zegama, Urbia eta Aizkorriko artzaintza. Artzain izan, artzaintza bizi: Ikuspegi etnografikoa". Zegamako Udala, 2006.
Elortza Puyadena Lierni, Elorza Puyadena Mª Isabel, Mayoz Echaniz Mª Iciar eta Lasa Labaca Garbiñe. "Segurako Aste Santua. Lan isila", Segurako Udala, 2008.
- Ekoizpen oharrak
- Hitz edo irri euskaraz elkarri Euskara Elkarteak Segura Irratiarekin lankidetzan (Segura) egindako "Bixi bixi" irrati programari ahotsa jarri dio urte askotan (Aitor Calvillo, Santos Beloki, Gillermo Roa, Iñaki Murua ... izan ditu lankidetako batzuk); euskara sustatzea eta aberastea izaki helburu bertsolaritzak izan du tokia, lotura zuenean saioaren gaiarekin, eta bertso-programarik ez bazen irratian programa honetan egiten zitzaion tokia.
Euskal kulturaren alor askotan diharduenez, aurkezle lanak egitea egokitu zaio hainbat bertso-jaialdi, kultur jardun, kontzertu eta antzerki emanaldietan.
“Iduzkilore” antzerki amateur taldeko antzezlea da taldearen sorreratik (2009)