Aldizkako Ekitaldiak - Fitxa ikusi   Atal honi buruz gehiago jakiteko

Bizkaiko Bertsolari Txapelketa. Busturialdeko Bertsolari Txapelketa

Oinarrizko informazioa

Ekitaldi mota
Txapelketa
Hedadura lekua
Busturialdea
Hedadura-mota
Eskualde mailakoa

Deskribapena

Historia
1959ko bagilaren 29an jokatu zan Busturialdeko lehenengo txapelketea, Euskaltzaindiaren eskutik. Bermeon egin zan eta bost bertsolariren artetik Deunoro Sardui muxikarra nagusitu zan. Hurrengo urtetik aurrera, hurbiltasunagaitik beharbada, Busturialdeko bertsolari batzuk Ipar Uribekoakaz batu eta txapelketa bakarra egiten hasi ziran. Mungian jokatu ebezan era horretako txapelketa guztiak. 1960an, garagarrilaren 17an, Ireneo Ajuria muxikarrak jantzi eban txapela. Hurrengo urtean, barriz, 1961ko garagarrilaren 16an, zazpi bertsolarik hartu eben parte eta Jon Lopategi muxikarra izan zan onena. 1962an be, garagarrilaren 15ean, Jon Lopategik jantzi eban txapela. 1963an ez zan txapelketarik egin eta urte horretatik aurrera, Bizkaiko txapelketea lez, bi urterik behin jokatu zan. 1964an be muxikar batek jaso eban sari nagusia, Felix Ortuzarrek, hain zuzen be. Era horretako azkenengo txapelketea 1966ko abuztuaren 21an egin zan eta Abel Enbeita muxikarra izan zan onena.

2000. urtean, Bizkaiko Bertsozale Elkarteak eskualdeetako txapelketak berreskuratzeko erabagia hartu ebanean, apirilaren 30ean egin zan Busturialdekoa. 7 bertsolarik hartu eben parte Gernikako zineman jokatu zan finalean eta Anertz Muniategi bermeotarrak jantzi eban txapela. Ordutik urte birik behin ospatzen da Busturialdeko txapelketa.
Oharrak bidali

Guri buruz
Non gauden
Zerbitzuak
Informazio eskaera
Bilaketak nola egin