Biografiak - Fitxa ikusi   Atal honi buruz gehiago jakiteko

Ramon Artola

Datu pertsonalak

Izena
Artola, Ramon
Izen abizen osoak
Artola Larrañaga, Ramon Antonio
Jaiotza
1831 Tolosa + Tolosa < Tolosaldea < Gipuzkoa < Euskal Herria
Heriotza
1906 Donostia + Donostia < Donostialdea < Gipuzkoa < Euskal Herria

Bertsolaritzan

Jarduera mota nagusia
Bertso-jartzailea

Datu biografikoak

Biografia
Ama, Maria Antonia Larrañaga Ganuza, tolosarra zuen; Antonio Artola Etxeandia aita, berriz, Astigarragakoa. Jatorriz, beraz, Artolatarrak ez ziren Donostiatik oso apartekoak.

Bera baino lehenago izen bereko Ramon anaia jaio zen, 1826ko abenduaren 8an, baina jaio orduko hil zen. Garai hartako ohiturari jarraituta, hurrengo semeari izen bera jarri zioten. Bost senidetan (anai-arrebak: Francisco, Manuel Maria, Maria Dolores eta Justina Magdalena) gazteena zen bera.
Ramon Artola, eserita, bere seme-alabekin; aldamenean, Rosario; zutik, ezkerretik eskuinera, Juan Ramon, Francisco eta Pepe

Gaztetan Donostiara joan zen bizi izatera. 1858ko azaroaren 23an, hogeita zazpi urte zituela, Manuela Elizetxea Altzelai lezotarrarekin ezkondu zen. Bere seme-alaba Rosario eta Pepe ere idazle eta antzerkizale ezagunak izan ziren.

Bigarren karlistaldian liberalekin ibili zen boluntario, karlistek Donostia inguraturik eduki zutenean, Bilintx, Serafin Baroja eta beste hainbat euskaltzale bezala.

Ogibidez iturgina zen; baita ere, etxeak margotzen, altzari zaharrak konpontzen eta halako lanetan ari izaten zen. Lantegia Puyuelo kalean zeukan, gaurko Fermin Calbetonen alegia.

Donostian hil zen 1906ko abuztuaren 20an, 75 urte bete baino egun gutxi lehenago.
[Iturria, Euskal Wikipedia: http://eu.wikipedia.org/wiki/Ramon_Artola]


Auspoa bildumako bi liburukietan argitaratu ziren bere lanak.
Sagardoaren graziya eta beste bertso asko: http://ttiki.com/31905
Sagardoaren graziya II: http://ttiki.com/31904

Txapelketak, sariketak eta lehiaketak

Eguneratutako informazioa "Txapelketak" pestainan aurkituko duzu.

Bertso-paper lehiaketak
Lore jokoak 1884 Itziar: saritua

Azken urteetako sariketa eta lehiaketen berri dagokien pestainetan aurkituko duzu.

Argitalpenak

Argitaratugabeak eta azterlanak
Sagardoaren graziya. Auspoa, 1 ; Sagardoaren graziya II

Beste lanak

Bat-bateko bertso ezagunenak
Sagardoaren graziya / Erariyaren bertuteak / Ilunabarra
Bertso jarri ezagunenak
Lore Jokoetan:
1879, Altabizkarko kantua;
1889, Eguzkiyaren sarrera.

Eragina/Iruzkinak

Eragina/Iruzkinak
Bertsolarien molde zaharretan, estilo bizi eta gozoa du bere bertsoetan" (G. Egia. Donostiar haien garaia... Irun: Alberdania, 2002)