Bertsoak - Fitxa ikusi Atal honi buruz gehiago jakiteko
2014-12-07 Zornotza Txapelketa [Bertsoa] / Garikoitz Sarriugarte, Imanol Uria
Bertsoa entzun |
2014-12-07 Zornotza Txapelketa [Bertsoa] / Garikoitz Sarriugarte, Imanol Uria
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Uria:
Nola beti ibili
ohi ginen mokoka
onartu nuen eta
mendira igota
azkenean galdera
behar dizut bota
zer jartzen dira zuzen
edota alboka? (bis)
G. Sarriugarte:
Candanchura etorri
gu gabiz oparo.
Zuzen jarri behar dira
ni horretan nago.
Baina zu ikusita
laguna akabo.
Imanol botak jantzi
behar dira lehenago. (bis)
I. Uria:
Trekkingekin nengoen
tontoak bezala.
Ez dizut esan baina
naiz nahiko makala.
Pikutara eskiak
doazela hala!
Eskerrak trineoa
ekarri dudala! (bis)
G. Sarriugarte:
Sorpresan harrapatu
betiko bezala.
Imanol ete zara
zu mutil kabala.
Trineoa ekarri
aibala,aibala.
Gaurkoa izango da
egun mundiala. (bis)
I. Uria:
Eskiatzen naizenez
eskas, oso txarra
behintzat hotel bat dugu
goxoa, edarra.
Eski munduan ez naiz
aritu xamarra
mugimendu hau da
nik dakidan bakarra. (bis)
G. Sarriugarte:
Hori danek dakite
ez hartu txarrera.
Gaur egin behar gendun
guk eski karrera.
Baina zugaz ezin da
bat joan aurrera
hurrengo joango gara
gu Benidorrera. (bis)
Datu-base honetan eskainitako informazioari buruz jakiteko, kontsultatu lege oharra