B. Gaztelumendi:
Biok ondoan ipini gera
konparatu asmoz alai
ni sentitzen naiz gure munduai
iraultza ekartzeko gai
zu enpresari izan zintugun
ta ni soldata baten zai
nik eskuetan markarik ez det
baina poltsikoetan bai.
I. Lazkano:
Gaurko gazteak harrotzen dira
ia neurri gehiegian
bizitza errex daukatelako
izan zitekeen agian
eta nik berriz lana egin det
bizitzan nere nagian
nik eskuetan dauzkat kailoak
eta honek arpegian!
B. Gaztelumendi:
Azala latza det txikitatik
eta ez naiz errex mintzen
garai batean jaio banintz ni
halakoa izango nintzen.
Entzun dedanez zu eraikuntzan
edo omen zinen ibiltzen
baino lagundu ote dezu ba
mundu hobe bat eraikitzen?
I. Lazkano:
Nere gisara pasatu balu
gazte denboran gosea!
Honek izan du sabela bete
eta nik berriz haizea.
Horregatikan degu gaur egun
holako jende klasea
nabaria da hau ere ez dala
larre motxetik pasea!
B. Gaztelumendi:
Gure aurrean daukagu orain
mundu multikulturala
krisiarekin ere diote
guztia behera doala.
Aipatzen dezu gazte garaian
gosez egona zerala
baina benetan uste al dezu
gaurko hau hobea dala?
I. Lazkano:
Gauzak okertu dirala oso
daukagu nahiko nabari
ez dira gauzak zuzenegi egin
nahiz eta lanean ari.
Dirua batzuk pilatu arren
gosea dago ugari.
Bide horretan nere ustetan
denok gera pekatari.
B. Gaztelumendi:
Egia da bai tokatu zaigu
pekatari izatea
amorrazioz egiten degu
ingurura atakea.
Bion artean urteak daude
nere Imanol maitea!
Hobe elkarren kontra joan ordez
elkarrekin joatea.
I. Lazkano:
Etorkizunai begiratuta
bidea hori da noski!
Bere gaztean mutiko honek
gauzak dotore dakizki.
Esango nuke gure bidetik
ia egin degu aski
borondaterik onenez baina
gauza asko egin degu gaizki.
Hil 2015-09-17
"Zornotzako San Migel kalean jaio zen 1930. urtean. Aita Gorozikako (gaur egun Muxika) Asua auzokoa zuen eta ama Ibarruriko (gaur egun Muxika) Okakoa. Sei neba-arrebatatik bigarrena izan zen. 3-4 urte zituela, Okako Olatxura joan ziren eta gerraostean Zugastietako "Estaziño"ko etxera. Geltokian zegoen taberna bakarra izan zen beraiena. Gerra aurretik zein ostean, Zugastietako eskolan ibili zen. 13 urtegaz aitagaz batera hasi zen arotz lanetan eta Zugastietan bertan jarri zuten martxan gerora zerrategia izango zen tailerra. Bertso munduarekin lotura zuzena izan du beti Pablok, gaztetatik baitu zaletasuna; 1962. urtetik BECen ospatu arteko final guztietan egondakoa da."
Iturria: Ahotsak. https://ahotsak.eus/muxika/hizlariak/pablo-irazabal-ertzilla/
Hil 2011-09-17
Doinu sarkorra, gaiari dagokiona kasu honetan. BERTSOTAN izeneko kasetean doinu hau kantatu aurretik Imanol Urbieta musikari adiskideak organozko doinujoku interesgarriak egin dizkio. Beste aldaki berdintsu bat dator hone alboan, AUSPOA 123,198an.
