Bertsoak - Fitxa ikusi Atal honi buruz gehiago jakiteko
Zubi harresia [Bertsoa] / Miren Amuriza
Zubi harresia [Bertsoa] / Miren Amuriza
Neurria:
Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Argia [Aldizkaria] Argitalpen data:
2013-05-26
Kokapena:
XDZ - Xenpelar Dokumentazio Zentroa
Urtza Alkortaren hitzak
zabaldu zituen prentsak,
lehen bait lehen hartu genezan
Ondarru Aske Gunetzat.
Asteartez lo zakura
eraman ondoren presak,
portuko turrunak laster
eten zizkigun ametsak,
baina antxoa eta atunik
ez zen ondarrutarrentzat,
begiradak mehatxari,
zorrotz tentakulu ertzak;
Alamedaraino sartu
ziren olagarro beltzak.
Berehala igo ginen
denok zubi harresira,
eta hedatu zen ehunka
kasko gorriren distira.
Bortxaz nahi izan zituzten
herritarrak erretira,
ostikadak, porrazoak,
lurrean tira ta tira...
Zubitik beldurgarria
zen portuko perspektiba,
nahiz oihukatu “Ertzaintza
jendea jotzen ari da!”,
kamera gehienak zeuden
beste aldera begira.
Hiru orduren ondoren
aditu zen garrasia:
“Atxilotu dute baina
hau dago irabazia!”
Urtzari besarkada bat
zinez baitu merezia,
herriko beteranoei
gorazarre berezia.
Manten dezagun Donostin
ta Ondarrun sorrarazia,
lehen bait lehen idatz dadin
behar dugun notizia:
Herri harresitik sortu
dela irri harresia.
Datu-base honetan eskainitako informazioari buruz jakiteko, kontsultatu lege oharra