BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (9. 2011)

Saioa

2011-12-18 Donostia Txapelketa

Bertsolariak / Egileak

Irazu Muñoa, Jexux Mari

Lana

Bakarka gaia-emanda

Jarritako gaia

Ume bat izan duzu harreran bost urtez. Orain, hura adoptatzeko aukera eskaini dizute.

Deskribapena

Doinua

ETAren su-etenetik

Neurria / Estrofaren izena

Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip)

Bertso kopurua

3

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2011-12-18 Donostia Txapelketa [Bertsoa] / Jexux Mari Irazu Muñoa

Neurria:  Hamalauko berdina, 7 puntuz eta 8 silabaz (hg) / Zazpi puntuko berdina 16 silabaz (ip) 
Kokapena:  XDZ - Xenpelar Dokumentazio Zentroa 

---

Lehenik harreran hartzeko
eskaera jaso nuen.
Nere zalantzak barruan
agertuak ziren zeren
holako ardura bati
erantzutea gaitz omen
baino hala ere oso
konbentzituta nengoen.
Denbora pasatu da ta
gauza hoberantz nabarmen
adopzioari baietz
esango ez diot ba hemen
bost urteko haurdunaldi
zoragarrian ondoren! (bis)

Problematikoa omen
berak gainean krisia.
Baina elkar ulertzera
zu ta bioren auzia.
Egingo ditut papelak
ta emango det jauzia
zure etorkizunari
jarri nahi diot hazia.
Nondik zatozen ez dakit
zertarako ikusia
ez zintudan ez nik sortu
ez nizun eman bizia
baino bai agintzen dizut
nere maitasun guztia. (bis)

Hamabi urte dauzkazu
ai nere Jokin maitea!
Biok batera bost urtez
eta hau errematea.
Gure artean sortu dan
lazo hau ez da katea
ez nuke nahiko zuretzat
gertatu dedin kaltea.
Horregatik pentsatu det
baiezkoa esatea.
Gerta liteke zuretzat
inoiz karga izatea
hargatik nahi dezunean
zabalik dezu atea. (bis)