2017-10-14 Tolosa Txapelketa [Bertsoa] / Xabat Galletebeitia, Jon Maia

Adineko pertsonak zarete. Egunero herriko jatetxe berean bazkaltzen duzue mahai banatan eta bakarrik. Jon, gaur Xabat hurbildu zaizu zurekin eser daitekeen galdezka.

Deskribapena

Doinua

Antton eta Maria I

Neurria / Estrofaren izena

Hamarreko txikia (hg) / Bost puntuko txikia (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2017-10-14 Tolosa Txapelketa [Bertsoa] / Xabat Galletebeitia, Jon Maia

Neurria: Hamarreko txikia (hg) / Bost puntuko txikia (ip)
Kokapena: XDZ - Xenpelar Dokumentazio Zentroa

J. Maia:
Orain artekoa ere
ez zenez normala
eskertzen dizut Xabat
eta berehala
zerbitzariak zerbait
ekarri dezala.
Eguneko menua
bihurtu da hala
astean behingoagatik
menu espeziala. (bis)

X. Galletebeitia:
Baina ez itzazu bota
hainbeste konfeti
espagetia baita
beti espageti!
Zer moduz zabiltza Jon?
Ni nago ederki!
Halere nekatu naiz
Jainkoak baleki
babak neure eltzetik
ateratzen beti. (bis)

J. Maia:
Ni bezelaxe zera
agure bat zaharra
aspaldi zuritua
daramat bizarra.
Espagetientzako
falta dut indarra
ta beraz konpainia
ez da gauza txarra
bi bakardade baino
hobe bat bakarra. (bis)

X. Galletebeitia:
Bakardadea ez da
gauza oparoa
horregatik berotu
nahi dizut alboa.
Bata ilezuria
beste kalboa
baina bakoitza bere
bidetik badoa
eta lasai ni ez naiz
horren arraroa! (bis)

J. Maia:
Batera egiten degu
kutxilloaz dar-dar
eta batera egin
garbantzutan indar
batera egin degu
gainera irripar
eta batera egin
dezakegu negar
baina gazta tarta ez det
konpartitu behar. (bis)

X. Galletebeitia:
Lasai biok mantendu
gaitezke orekan
hara zerbitzaria
dago hemen bertan!
Amaitu dugu lana
ta oraindik berbetan
zertarako nentorren
diotsut benetan:
gaurkoa ordaintzeko
dirurik ez neukan. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko