Bertsoak - Fitxa ikusi Atal honi buruz gehiago jakiteko
2017-10-28 Bastida (A) Txapelketa [Bertsoa] / Agin Laburu, Jone Uria Albizuri
| Bertsoa entzun |
2017-10-28 Bastida (A) Txapelketa [Bertsoa] / Agin Laburu, Jone Uria Albizuri
Neurria:
Zortzikoa, berdinaren moldekoa, 6 puntuz (hg) / Sei puntukoa, berdinaren moldekoa (ip)
Kokapena:
XDZ - Xenpelar Dokumentazio Zentroa
J. Uria:
Lehen ginenak bi mundu
batu segunduz segundu
eta diozu ezin dugula
gehiago urrundu.
Azkar bihotz eta buru
ze beldur ta ze apuru
baietza eman nahi dizut baina
ez nago seguru! (bis)
A. Laburu:
Ba ni prest nago jartzeko
dena aurrekoz atzeko
markapasoak ez baitu asko
falta geratzeko.
Maiteminduta trantzeko
Jone zu ere antzeko
ez zait iruitzen denborarikan
degunik galtzeko! (bis)
J. Uria:
Denbora ez dugu alde
ta egingo digu alde
hortan arrazoi ematen dizut
Agin, zuzen zaude!
Ohartu zaitez hala’re
esnatzean parez pare
goizero ikusi beharko nauzu
makillaje gabe! (bis)
A. Laburu:
Horixe da nere plana
aspalditikan neukana
ehun zimurretik ehun ta hogeira
ze alde, ai ama!
Maitasunak daukan fama
muxua eta laztana
ta hortza postizoentzat berriz
mesanotxe bana! (bis)
J. Uria:
Beldur nintzen baina keba!
Irudi horrek topera
jarri nau eta onartzen dizut
goazen aurrera.
Joan gaitezen eskatzera
gure zaintzaileen artera
eta onartzen ez badute guk
eingo dugu greba! (bis)
A. Laburu:
Orain muxu eta lora
poesi ta metafora
arrazoi dezu zabaldua da
zahar etxeko moda.
Zatoz eskaileran gora
grebarekin egin proba
prebentziorik haundina ere
gutxi izango da! (bis)
Datu-base honetan eskainitako informazioari buruz jakiteko, kontsultatu lege oharra