Bertsoak - Fitxa ikusi Atal honi buruz gehiago jakiteko
2009-10-11 Bilbo Txapelketa [Bertsoa] / Maddalen Arzallus
| Bertsoa entzun |
2009-10-11 Bilbo Txapelketa [Bertsoa] / Maddalen Arzallus
Neurria:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Kokapena:
XDZ - Xenpelar Dokumentazio Zentroa
Egia esan hasieran
ez nuen ulertu bela
behar ez zen pertsonarekin
enamoratu nintzela.
Mutila ez den beste batek
mugitu ohi dit sabela
horregatik hartzen dugu
gauez hoteleko gela.
Nahiz ta jakin ez naizela
portatzen behar bezela
berekin iruditzen zait
ametsetan nagoela. (bis)
Bera da eguneko argi
eta gaueko izarra
bera da nere bizitza
mugatzen duen iparra.
Batzuetan sentitzen naiz
ba bai aldrebes xamarra
baina berekin bilatzen
dut nik barruko indarra.
Egia esan hauxe da
ni mintzen nauen bakarra:
ni zoriontsu izatearren
beste bat mindu beharra. (bis)
Urtea ez zait suertatu
behar bezain borobila
gezurretan pasa ditut
martxoa ta apirila.
Nahiz eta sentitzen naizen
azkarra bezain abila
gaur beregana joango naiz
aitortuko dut mutila
ta bera joaten bada
beste neska baten bila
nere errua da-eta
popatik joan nadila! (bis)
Datu-base honetan eskainitako informazioari buruz jakiteko, kontsultatu lege oharra