Représentations Périodiques - Voir fiche Pour savoir plus sur cette section
Julene Azpeitia Ipuin eta Bertso Lehiaketa (27. 2025. Durango)
Information
- Type de représentation
- Lehiaketa
- Place
- Durango
- Date finale
- 2025-04-30
- Lanak aurkezteko/Izena emateko epea
- 2025-04-30
- Extension
- Euskal Herria
- Extension
- Euskal Herri mailakoa
Participants
- Juges
Abasolo, Eneko "Abarkas" Basagoiti, Irune Elorriaga, Ander - Championne
Egaña Calderon, Urko
Description
- Saritutako lana
- Bertso sorta izenburua : "Laugarren ebakuntzaren ondoren"
- Oinarriak
- Durangoko Udalak, Euskara Sailaren bitartez, Julene Azpeitia Lehiaketaren 42. ediziorako deialdia abian jarri du, herriko gazte eta helduen artean euskarazko sormena sustatzen duen literatura lehiaketa. 1983az geroztik urtero antolatzen den lehiaketa honek euskaraz idazteko zaletasuna sustatzea eta literatura-talentua bultzatzea du helburu, ipuin, olerki eta bertso gisako lanen bidez.
Julene Azpeitiari omenaldia
Lehiaketa honek Julene Azpeitia omentzen du, euskal literaturan erreferente izan den idazleetako bat. Herritarrek euskararekiko harremana sendotzeko eta sormen literarioa adierazteko aukera paregabea da.
Modalitateak eta parte hartzeko baldintzak
Lehiaketa hainbat kategoriatan banatuta dago, parte-hartzaileen adinaren eta hezkuntza mailaren arabera. Kategoria guztietako lanek jatorrizkoak izan behar dute, euskaraz idatziak eta argitaratu gabeak. Parte-hartzaileek hiru modalitatetan aurkez ditzakete beren lanak: ipuinak, olerkiak eta bertso/koplak. Lanek honako aurkezpen-baldintza hauek bete behar dituzte: letra-tipoa Univers, Arial, Times New Roman edo antzekoa izan behar da; tamaina, 11 edo 12 puntukoa; eta lerroen arteko tartea, 1,5. Gainera, lanetan ez da egilearen izenik agertu behar, identifikazio lema bat baizik .
Kategoriak eta sariak
Parte-hartzaileak kategoria hauetan banatuko dira:
Lehen Hezkuntza (LH5 eta LH6)
Ipuinak: 1etik 3 orrialdera
Olerkiak: 10etik 20 lerrotara
Bertso/Koplak: 3 bertso, 6 kopla
Saria: 100 euro, liburu sorta modura
Bigarren Hezkuntza (DBH1 eta DBH2)
Ipuinak: 2tik 4 orrialdera
Olerkiak: 20tik 30 lerrotara
Bertso/Koplak: 4 bertso, 8 kopla
Saria: 125 euro, liburu sorta modura
Bigarren Hezkuntza (DBH3 eta DBH4)
Ipuinak: 3tik 6 orrialdera
Olerkiak: 30etik 40 lerrotara
Bertso/Koplak: 5 bertso, 10 kopla
Saria: 150 euro
Batxilergoa eta Lanbide Heziketa
Ipuinak: 4tik 7 orrialdera
Olerkiak: 40etik 50 lerrotara
Bertso/Koplak: 6 bertso
Saria: 200 euro
Helduak (18 urtetik gora)
Ipuinak: 4tik 8 orrialdera
Olerkiak: 50etik 70 lerrotara
Bertso/Koplak: 8 bertso
Saria: 600 euro ipuinerako eta 300 euro olerki eta bertsoetarako.
Parte hartzeko epea eta moduak
Interesdunek beren lanak 2025eko apirilaren 30era arte bidali ahal izango dituzte. Parte-hartzaileek bi bidalketa modu erabili ahal izango dituzte: batetik, posta bidez, lanak Durangoko Udala, Euskara Saila, Barrenkalea 17, 48200 Durango helbidera bidaliz; bestetik, posta elektroniko bidez, lana PDF formatuan bidalita helbide honetara: juleneazpeitia@durango.eus. Bidalketa elektronikoan, egilearen datuak (izen-abizenak, adina, ikastetxea, ikasketa maila, telefonoa eta helbidea) dokumentu bereizi batean bidali beharko dira, lanetik aparte.
Irabazleen iragarpena eta sari banaketa
Irabazleen izenak 2025eko maiatzaren 30ean emango dira ezagutzera, eta sari banaketa ekitaldia ekainaren 15ean izango da Plateruenan. Saritutako lanak Durangoko Udaleko Euskara Sailak argitaratuko ditu. Epaimahaiak egokitzat jotzen badu, akzesitak ere eman daitezke, kasu horretan liburu sorta izango da saria.
Informazio gehiagorako, interesdunek juleneazpeitia@durango.eus helbidera idatz dezakete edo Durangoko Udaleko Euskara Sailera jo dezakete.
Estructure
- Championne
Egaña Calderon, Urko