S. Lizaso:
Sarri askotan eginak gera
biok kantatzeko zita
herri, auzo ta elkarteetara
eginak gera bisita.
Txoropitoa degula Peña
sarri pentsatzen hasita
pentsatu gabe bururatzen zait (bis)
aurrez aurre ikusita.
A.M. Peñagarikano:
Baina desberdin dira erabat
aurrea eta atzea
ta aurrez aurre gauden ezkero
nahi nuke garbi jartzea
besten akatsak kontatzen hemen
iritsi al da trantzea?
Askoz hobea ez al da izango (bis)
nork bereak zuzentzea?
S. Lizaso:
Nere ustetan bide hortatik
ez doa gure auzia
bertsotarako errespetoa
zaharrek erakutsia.
Pentsatu eta gauza asko dut
nik esan gabe utzia
ta zuri buruz sekula ez dut (bis)
esan nahi dudan guzia.
A.M. Peñagarikano:
Itxura danez besteren aurka
zuk jotzen dezu dultzina
besten akatsak hola esatea
ez da gauza atsegina
bainan hori bai garbi badakit
banaiz aitortzeko adina
ez zinakeela azpeitiarra (bis)
harroputza ez bazina.
S. Lizaso:
Azpeitiar ta harroan famak
badu hainbat konpromisu
errespetoak hala ere nigan
badu behar hainbat pisu.
Nere akatsak neuk aitortzeko
zertan eskatzen didazu?
Nik ez dadukat zer esanikan (bis)
zeuk esaten baitituzu.
A.M. Peñagarikano:
Hainbat urtetan geratu gabe
batera eta bestera
hamaika aldiz zuk esan dezu
“Peña txoropito zera”!
“Ta zu harroputz” erantzuten det
hori bientzat galera.
Kanta ezazu errespetoan (bis)
eta moldatuko gera.
Jaio 1764-10-10
Fernando Bengoetxea Altuna, Amezketan jaio zen 1764ko urriaren 10an eta bertan bizi izan zen. 1970ean, 26 arte zituela, Maria Josefa Sagastumerekin ezkondu zen. Hamar seme-alaba izan zituzten, Azentzine haundi baserrian. Nekazari, artzai eta bertsolari... horrela nolabait atera zuen bizimodua. Aran gehiegi jan ondoren ura edan, eta gaizkitu eta hil omen zen Apaetxe bordan, Amezketan, 1823ko uztailaren 9an, 58 urte zituela.
"Lehenbiziko bertsolari ezaguna, Gipuzkoan behintzat, eta ez nolanahikoa. Ametza, Zabala, Txabalategi, Altamira, Otobezino... gizaldi hartako bertsolari guztien hora dugu Fernando. Euskal Herri osora zabaldu da gizon azkar eta argi honen izena. Mito bilakatu da, barre-eragile gisan. Bereak eta besterenak erantsi zaizkio. Nork ez ditu entzun Fernando Amezketarraren ipuin eta ateraldiak? Ez uste izan arlote huts bat zenik, batzuetan, berak nahita, halako itxura hartzen bazuen ere. Umorez eta bizitasunez beteriko nortasun aberatseko gizona zen."
Iturria: Dorronsoro, Joanito. "Bertsotan 1789-1936"
Informazio gehiago:
- Zavala, Antonio. "Pernando Amezketarra bertsolaria". Auspoa; 54. https://www.euskaltzaindia.eus/dok/iker_jagon_tegiak/auspoa/10671.pdf
- Euskal Wikipedia: http://eu.wikipedia.org/wiki/Pernando_Amezketarra
Gu eta Gutarrak taldeak, "Bertso berriak eta lagun zaharrak" diskoan sartu zuen kantua da. Berdinaren moldean zortzi silabaz eta zortzi puntuz kantatzen du bertan Unai Iturriagak.
Bizkaiko eskolartekoan (Iurreta 2025-05-31), txapeldunaren agurra kantatu zuen Enara Gallastegik.
