B. Mandaluniz:
BEC-era etortzea
tokatu da aurten
J. Maia:
jendeak beste gauzik
ez digu esaten
eta nik ez nuke nahi
ez eman ta ez ken
ni ez naiz aspertuko
dudana ematen.
Jaio 1859-12-01
Jaio 1953-12-01
Juan Inazio Bigiristain Ataungo Aia auzoko Iberondo baserrian jaio zen 1953ko abenduaren 1ean. Sei senidetatik zaharrena zen. Iberondo baserria 600 metrora dago, baina askoz ere gorago, Aralarren, igarotzen zituen Juan Inazio artzainak udako hilabeteak.
Aita eta osaba zituen bertsozaleak etxean eta irratia lagun zuela ikasi omen zuen bertsotan. Dozena bat urterekin kantatu zuen autobusean, Hondarribira bidean, Lekuona apaizak zirikatuta, bere lehen bertsoa eta oso gazterik hasi zen koplari ere. Lagun artean eta txapelketatan hartu zuen parte. Hala, hogeita lau urte zituela, Gabiriako Osinalde saria irabazi zuen, eta Artxanberri nahiz Xenpelar sarietan finalista izan zen. Txapelketa Nagusian eta Gipuzkoakoan ere hartu zuen parte, eta txapelketei dagokienez, azkenekoz 1999ko Herri Arteko Txapelketan kantatu zuen, Goierriko Taldearekin.
Bertsozale askok Victoria Eugenian 90eko hamarkadan egin ziren bertsoleri egunetan ezagutu zuten Begiristain, Goierriko Taldeak egiten zituen umorezko show haietan, hain zuzen ere. Juan Inaziok, edozein pertsonaia egiten zuela ere, barre eginarazteko dohain ikaragarria zuen.
Honela deskribatu zuen Mikel Mendizabalek Juan Inazio Begiristain: "Oso leiala zen, adiskidetasuna esitmatzen zekiena. Ahots ederra zuen eta etorria ere bai. Bertsolari joria zen, erraz hasi eta errazago segitze nzuena, eta ustekabeko handiak ematen zituena".
Iturria: "Juan Inazio Begiristain oroituz. 2002ko azaroaren 8a"
Jaio 1886-12-01
Jaio 1943-12-01
Nekazari eta fabrikako langile egin izan du lan. Soldaduska amaitu orduko (1967) Ameriketara joan zen osabarekin, artzain; sei urte eman zituen han. Amaren sendikoengandik jaso zuen bertsozaletasuna, eta bere kasa ikasi zituen bertso zaharrak. 60. hamarkadan hasi zen jendaurrean kantatzen, baina 80. hamarkadatik aurrera lortu zuen izena. 1989ko Txapelketa Nagusian finalaren atarian geratu zen. Bertsolaritza munduan aski ezaguna bada ere, esan daiteke, bertsolaritzatik haratago, Euskal Herri osoan izan dela pertsonaia ezaguna.
Bertsogintzaren gailurrean mugitu zen 1985-1995 bitartean, eta 1989tik 1993ra bitartean gutxi gorabehera plazarik gehientsuen egiten zituztenetarikoa izan zen. Etekinik onena ateratzen asmatu zuen bere bertso soilari, konplexutasun gabeari, eta bere gorpuzkera eta antzezpenenerako abilidadeari (bekain imintzioei batik bat). Euskal Telebistan programa bateko lankide izan zen aipatu garaian; halaber, bere irudi eta ahots karikaturizatuak erabili zituzten imitatzaileek Euskal Irratian ("Goizean behin" irratsaioan, Iñaki Perurena tolosarrak) eta Euskal Telebistan.
Uxue Alberdik plazaratu zigun 2009 Txapelketa Nagusian, Donostiako Belodromoko azken agurrekoan.
EUSKAL HERRIA ZUZENEAN izeneko kontzertu urterokoaren himnoa, Aitor Renteria "Txato"ren hitzez eta Peio Agorrodiren musikaz, Aire Ahizpek plazaratu zutena Arrosan 1998ko uztailaren 3, 4, eta 5ean.
