Représentations Périodiques - Voir fiche Pour savoir plus sur cette section
Baztan Bidasoko Bertso-Paper Lehiaketa (39. 2026. Bera)
Information
- Type de représentation
- Lehiaketa
- Place
- Bera
- Début date
- 2026-04-27
- Date finale
- 2026-05-22
- Lanak aurkezteko/Izena emateko epea
- 2026-05-04
- Extension
- Baztan
- Extension
- Eskualde mailakoa
Participants
- Organisateurs
Berako Kultur Batzordea Bortzirietako Bertso Eskola
Description
- Oinarriak
- PARTE HARTZAILEAK
Baztan-Bidasoan bizi direnak. Euskarazko, jatorrizko, argitaratu gabeko eta bertze lehiaketaren batean saritu ez diren bertsoak onartuko dira bakarrik eta norberak aukeratuko du gaia, doinua eta neurria.
KATEGORIAK
Parte-hartzaileak 4 kategoriatan banatuko dira:
A kategoria: 2015ean edo ondotik jaiotako haurrek parte hartuko dute eta gutienez bertso bat edo bi kopla osatu beharko dituzte. Sariak: trofeoa + 50 euro (lehenbizikoa) eta trofeoa + 30 euro (bigarrena).
B kategoria: 2012tik 2014ra sortutako gazteak sarituko dira eta gutienez bi bertso edo lau kopla egin beharko dituzte. Sariak: trofeoa + 100 euro (lehenbizikoa) eta trofeoa + 70 euro (bigarrena).
C kategoria: 2008tik 2011ra jaiotako gazteak sarituko dira eta gutienez lau bertso egin beharko dituzte. Sariak: trofeoa + 150 euro (lehenbizikoa) eta trofeoa + 120 euro (bigarrena).
D kategoria: 2007an edo lehenago sortutakoek hartuko dute parte eta gutienez zortzi bertso egin beharko dituzte. Sariak: trofeoa + 200 euro (lehenbizikoa) eta trofeoa + 150 euro (bigarrena).
LANAK AURKEZTEKO EPEAK
Bertsoak 2026ko apirilaren 27tik maiatzaren 4ra arte entregatu beharko dira.
Bertsoak bi modutan entregatu ahalko dira, paperean edo e-mailez:
– Paperean: helbide honetara bidalita:
Berako Udala
Baztan-Bidasoko XXXIX. Bertsopaper Lehiaketa
Herriko etxeko plaza 1
31.780 BERA (Nafarroa)
– Emailez:
Helbidea: kultura@bera.eus
PDF formatuan (bertsoa artxibo batean erantsita). Artxiboak bakarrik formatu horretan onartuko dira.
Gaia: honako hau paratu beharko da: Baztan-Bidasoko XXXIX. Bertsopaper Lehiaketa
Datuak: horrela agertu beharko dira nahitaez.
Mezuaren gorputzean ondoko datu hauek paratu (datu guztiak paratzea ezinbestekoa da):
Izen-abizenak
Kategoria
Bertsoaren izenburua
Telefonoa
E-maila
Herria
PDF artxiboan soilik ondoko datu hauek agertu beharko dira: izenburua, kategoria eta bertsoa bera (ezingo dira agertu izen-abizenak!).
EPAIMAHAIA
paimahaia Bortzirietako Bertso Eskolak izendatuko du, eta honen erabakia ezin izanen da gibelera bota. Epaimahaiak sariak hutsik utzi ahalko ditu, edo aipamen bereziak eman.