Représentations Périodiques - Voir fiche Pour savoir plus sur cette section
Alea Bideo-Kopla Lehiaketa (7. 2026)
Information
- Type de représentation
- Lehiaketa
- Début date
- 2026-10-19
- Date finale
- 2026-11-18
- Lanak aurkezteko/Izena emateko epea
- 2026-11-18
- Extension
- Araba
- Extension
- Herrialde mailakoa
- Website
- https://www.bertsozale.eus/eu/araba/bertso-bideo-kopla-lehiaketa-2026
Participants
- Organisateurs
Alea: Arabako albisteak Arabako Bertsozale Elkartea Gasteizko Udala
Description
- Oinarriak
- Arabako Bertsozale Elkarteak eta Arabako ALEAk elkarlanean antolatuta, martxan da aurten ere Araba osoko 14 urte arteko gaztetxoei zuzendutako bideo-kopla lehiaketaren zazpigarren edizioa. Parte hartzeko epea azaroaren 18ra arte zabalik!
Gasteizko Udalak antolatzen duen Euskararen Astearen egitarauan txertatuta, gure lurraldean euskararen erabilera sustatzeko helburuarekin eta aurreko urteetan izandako arrakastak hauspotuta, Bertso-kopla Lehiaketaren VII. edizioa antolatu dugu aurten ere.
Modu honetan, bertsolaritza eta teknologia berriak uztartuta, taldeka, Arabako bertsolari gazteek beraien adimena eta sormena erakusteko aukera izango dute, bideo lehiaketa formatuan.
Parte hartzea oso erraza da, hiru eta sei kopla artean osatu beharko ditu talde bakoitzak proposatutako gaia landuta. Hauxe gaia:
Mundua hobetzeko asmakizunak
Bertsoak osatutakoan, horiek bideoan grabatu eta ALEAra bidali beharko dituzte parte-hartzaileen (bideoan agertzen diren taldekide guztien) datuekin batera.
OHAR GARRANTZITSUAK
Bideoak galdetegiaren bitartez edo ALEaren webguneko lehiaketaren bidez bakarrik bidali ahalko dira. Ez dira onartuko emailez, whatsapp bidez edo beste edozein bidetatik jasotako bideoak.
Epe barruan jasotako bideoak bakarrik onartuko dira. Bidalketa epea azaroaren 18ko 17:00etan bukatuko da.
Bideoak bidaltzeko arazorik izatekotan, bide hauetatik argitu ahalko dira zalantzak:
695 63 28 62 telefono zenbakira deituta, astelehenetik ostiralera 10:00etatik 14:00etara.
bideokopla@gmail.com helbidera idatzita (erantzuna mezua jasotzen denetik hurrengo 24 orduetan emango da).
Irabazleak eta sariak
Jasotzen diren lanen artean, bideo-kopla onenaren saria aukeratuko du publikoak, eta, horrekin batera, ALEAko eta Arabako Bertsozale Elkarteko epaimahaiek lan bana aukeratuko dute; baliteke ere epaimahaiak aipamen bereziak ematea talde gehiagori.
Ugari izango dira sarituak horrenbestez, eta askotariko sariak izango dituzte eskuragarri:
Laboral Kutxaren eskutik, taldean gozatzeko Eskape Room bat Lautadan.
BAHK-eko izotz pistan taldean gozatzeko esperientzia..
HONTZA EXTREM abentura parkean taldean gozatzeko esperientzia.
ELKAR-en material sortak irabazleentzat eta taldearentzat.
Ta sorpresa gehiago
Sari banaketa
Sari banaketa abenduaren 13an egingo da, oraindik zehazteke dagoen Gasteizko areto batean. Ekitaldian, irabazleen bertsoak ikusi eta sariak banatzeaz gain, saio musikatuaz gozatu ahalko da lurraldeko bertsolari onenen eskutik.
Ekitaldian parte hartzeko gonbidapenak edo sarrerak aldez aurretik erreserbatu ahal izango dira.