2017-05-19 Azkoitia Jaialdia [Bertsoa] / Eneritz Artetxe Eizagirre, Maialen Lujanbio

Zuek zuen herriko herri komunikabidea sortu zenetik bertan parte hartzen duzuen bi zarete. Zuk, Eneritz, gaurko garaietara egokitu nahian, webgune bat sortu nahi duzu, berriak han emateko. Zuk, Maialen, betiko moduan jarraitu nahi duzu, aldizkaria hilero gutunontzietan banatzen.

Description

Air

Kantore berri xarmant batzuek

Nom de la strophe

Zortziko handia (hg) / Lau puntuko handia (ip)

Bertso kopurua

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2017-05-19 Azkoitia Jaialdia [Bertsoa] / Eneritz Artetxe Eizagirre, Maialen Lujanbio

Nom de la strophe: Zortziko handia (hg) / Lau puntuko handia (ip)
Localisation: XDZ - Xenpelar Dokumentazio Zentroa

M. Lujanbio
Klasika deitzen didazu baina
neretzat ez da arraro
kontutan hartu behar ditugu
edadedun ta zahartzaro
informazio hori hartu behar da
eskuz esku, ahoz aho
leku guzitan dagon Internet
gero inun ere ez dago. (bis)

E. Artetxe
Ados, kontutan hartu beharrez
gaude nahi aina edade
hasi goitikan eta beheraino
heldu, ume ta nerabe
baina urrunera ez gera helduko
pantailari so egin gabe
ze gaur egungo buzoi guziak
ordenagailuan daude. (bis)

M. Lujanbio
Baina lokalak gera gu eta
nabarmentzeko`re lanak
gure eskalako notiziak ta
gure herritarrek esanak
zeren pantailan berdinak dira
komunikabide danak
ta buzoiean poza ematen du
bankuko karta ez danak. (bis)

E. Artetxe
Ja nekatuta ikusten zaitut
hontan zabiltza luzaro
ba erakutsi daigun garela
banku bat baino gehiago
eta lokalak garen horrekin
nahiz ados nagon zeharo
baina horrela egingo gera
askoz ere lokalago. (bis)

M. Lujanbio
Alde hortatik Eneritz lasai
lehen ere gaude lur juak
paperezkoan zenbakik dira
neurriko edo bajuak
baina badauzka bere ikutzeko
ta pintatzeko lujuak
alkateari bigotea ta
apaizari antiejuak. (bis)

E. Artetxe
Berdin apaiza berdin alkate
a ze marrazki itzela!
Baina teklatuz egin daiteke
photoshopean bestela.
Beraz bide hau egin dezagun
justu diodan bezela
zenbat alditan entzun dizudan
geroa gurea dela! (bis)

M. Lujanbio
Noski gurea dela geroa
hori idatzita zegon
paperari ta printzipioeri
eustea pentsatu ze on!
Mundu guztiak zibernetiko
nahi duela off eta on
azpeitiarrek ona dutela
ta haiei begira ez egon. (bis)

E. Artetxe
Bizirautea idatzi zendun
aspaldi hartako promesan
nik ere eskua sarri altxa det
zuk ere ikus zenezan.
Modernizatze bide honetan
ikusten zaitut perezan
“Gurea” esan dudan unean
“Gazteena” nahi nuen esan. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section