BDB Bertsolaritzaren datu-basea

Information genérale

Kategoria

Bat-batekoa

Représentación

2022-01-05 Oñati Jaialdia

Conducteur/trice

Oñatiko Bertso Eskola (Txinparta)

Gai-emailea

Iza, Aritz

Bertsolaris / Auteurs

Arzallus, Amets

Egaña, Andoni

Martin, Alaia

Exercice

Hirunaka gaia-emanda

Sujet proposé

Oñatin COVID intzidentzia tasa oso goran dago. Alaia botikaria zara eta orain zure lana asko hazi da. Hemen dituzu bi bezero, galdera eta enkargu pila batekin. Puntutan lauko txikian Andonik eta Ametsek galdetu, eta Alaiak erantzun.

Description

Air

Ikusi nuanean I

Nom de la strophe

Lauko txikia (hg) / Bi puntuko txikia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2022-01-05 Oñati Jaialdia [Bertsoa] / Amets Arzallus, Andoni Egaña, Alaia Martin

Nom de la strophe:  Lauko txikia (hg) / Bi puntuko txikia (ip) 
Localisation:  XDZ - Xenpelar Dokumentazio Zentroa 

---

A. Arzallus
Ehungarren aldiz egin
al daiteke testa?
A. Martin
Ehun ta batgarrena
hau izango da ezta?

A. Egaña
Hau al da farmazia
ez daukat goguan?
A. Martin
Bai, beti bezelaxe
okinen onduan.

A. Arzallus
Zazpigarren txertoan
bila hemen nator.
A. Martin
Ba nik salduko dizut
berriro emankor.

A. Egaña
Nik hau egin behar det
lehenbiziko testa.
A. Martin
Ba kosta egingo du
zuretzat lan extra.

A. Arzallus
Jada atera al dute
txerto espainola?
A. Martin
Ez baina irtengo da
igual hola-hola.

A. Egaña
Nik testa egin nahi det
antigenoena.
A. Martin
Hori da egin litekeen
probarik onena.

A. Arzallus
Espainolakin igual
birusa izutu.
A. Martin
Beraz egin ezazu
eta ez damutu.

A. Egaña
Nik non sartu behar dut
makilaren punta?
A. Martin
Erantzun asko dauzkat
hola galdetuta.

A. Arzallus
Bukatu ote zan ba
hidrogelan hori?
A. Martin
Oraindik saltzen dugu
hori oso ongi.

A. Egaña
Belarriko zuloan
balio ote du?
A. Martin
Nik bastonziloa dut
horretan eredu.

A. Arzallus
Horrenbeste garbitzez
eskuak gastatu.
A. Martin
Baino segitu ezazu
ez zaitez nazkatu.

A. Egaña
Nik’e bastonziloa
beharko det laster.
A. Martin
Ez zazu zulo oro
horren sakon azter.

A. Arzallus
Negatibo eman det
hau ondo ez dabil.
A. Martin
Baina hobe saiatu
ta ez saiatuz hil.

A. Egaña
Hemendik sartu behar da
ta nundik atera?
A. Martin
Ba belarri ertzetik
zerakin batera.

A. Arzallus
Negatibo eman det
ni ez naiz txantxikua.
A. Martin
Baina segitu‘zazu
gure predikua.

A. Egaña
Ni oraintxe jarri naiz
emaitzei begira.
A. Martin
Hamabost minutuan
aterako dira.

A. Arzallus
Positibo emango du
baina test guztitan.
A. Martin
Ta gero karnet gabe
baina eguzkitan.

A. Egaña
Ni bi negatibo naiz
begira bi raia.
A. Martin
Honi esplikatzeko
garaia bada ja.

A. Arzallus
Hau konfinatu’zazu
baina Arantzazun.
A. Martin
Ez dakit horretako
nibelik daukazun.

A. Egaña
Hantxe ibili nintzen
gazte nintzanian.
A. Martin
Oraindik ere zabiltz
sasoian lanian.

A. Arzallus
Sartu Urbiko fondan
ta atea itxi.
A. Martin
Eta salda hartuta
barruak eraitsi.

A. Egaña
Bueno nik ordua det
txikiteorako.
A. Martin
Birusa hilko duzu
denbora askorako.

A. Arzallus
Ni ere joango naiz
honen atzetikan.
A. Martin
Eta ez duzu hartuko
hola birusikan.

A. Egaña
Mila esker izan zara
oso atsegina.
A. Martin
Beti egin nahi nuke
ongi ahalegina.

A. Arzallus
Bagoaz txantxikua
eta zapo zaharra.
A. Martin
Etorri berriz baldin
badago beharra.

A. Egaña
Guk alde egin degu ta
a ze deskantsua!
A. Martin
Baina emaitza izan da
agian faltsua.