Bertsos - Voir fiche Pour savoir plus sur cette section
2006-09-09 Ordizia Jaialdia [Bertsoa] / Iñaki Apalategi Astigarraga
Bertsoa entzun |
2006-09-09 Ordizia Jaialdia [Bertsoa] / Iñaki Apalategi Astigarraga
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Gezi bat eta arku haundi bat
hartuta nere ondoan
sarri jarduten naiz ni botatzen
eta ia beti doan;
ta gehienetan nahiz ta asmatu
modu dotore askoan
min pixkat ere eman izan det
gogorregi jotakoan.
Konturatuta ez al zaudete
batzuk ze zorte daukaten?
Egia esan errex da hoiei
apuntatu ta ematen;
ta beste batzuk inoiz jo gabe
hor dabiltza bazter baten.
Zoritxarrean kupidok ez du
kupida asko izaten.
Nahiz nere ustez botatzen dedan
oso modu seguruan
sarri askotan bekaizkeria
landatzen det inguruan;
liskarrak eta zenbat haserre
zenbat jende apuruan...
Baina tarteka asmatzen det ta
zein polita den orduan!