Bertsos - Voir fiche Pour savoir plus sur cette section
2007-01-06 Amurrio Jaialdia [Bertsoa] / Igor Elortza, Jon Maia
| Bertsoa entzun |
2007-01-06 Amurrio Jaialdia [Bertsoa] / Igor Elortza, Jon Maia
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
J. Maia: Joe hau da sorpresa
hara, hara, hara!
Ez dakit irten edo
bolantea laga.
Zu nere idoloa
beti izan zara
bota idazu firma bat
Unai Iturriaga. (bis)
I. Elortza: Lehendik igarri dizut
nahikoa interes
baina niri Unai esan...
Mesedez, mesedez!
Jon Maiak egiten du
dena ala ezer ez;
ni ez naiz segundoi bat
Iturriaga legez! (bis)
J. Maia: Banekien zinela
beti horren apal
horren jatorra eta
horren eskuzabal
baina beste gauzarik
ezin egin ahal
askoz guapoagoa
zera al natural. (bis)
I. Elortza: Azkenean beroa
taxian nagusi
keinua ere egin dit
honek kutxi-kutxi.
Natural antza ez nauzu
ikusten itsusi...
Ba oraindik ez duzu
1 erdia ikusi. (bis)
J. Maia: Zure disko guztiak
hartu ditut jada
7 eskalerekin
ezin da konpara.
Iaz Riomundo zen
ta aurten Kanada?
Atsedena hartu gabe
nola bizi zara? (bis)
I.Elortza: Artista batek ez du
ez hartzen atseden
orain pentsatu eta
ondoren hasperen.
Atzo korroskada bat
nik grabatu nuen
zuretzako opari
CD baten hemen. (bis)
J. Maia: Ta esaten ez badizut
lehertuko naiz hemen
iazko finalean
ere ze pasa zen?
Juradu eta bestek
hori esan arren
gutxienez bigarren
merezi zenuen. (bis)
I. Elortza: Halaxe joan zen bai
iazko finala
nik badakit hobea
ni baino bat dala
ta Andoni Egaña
hor pasa da hala!
Harrapatu ezazu
nahigabe bezala. (bis)
J. Maia: Utzi zazu total ja
noraezean dabil
bakarrik erortzen da
eta ezin da hil.
Bueno a ze plazerra
eukitzea hain hurbil!
Tori bostekoa ta
segi umil-umil! (bis)
I. Elortza: Despedida hau ezin
nik hartu aintzako
"tori bostekoa" esan
duzu baina txarto
bota kartera hori
taxia por sako!
Txofer partikularra
nahi dut neuretzako. (bis)