Bertsos - Voir fiche Pour savoir plus sur cette section
2008-04-26 Gabiria Sariketa [Bertsoa] / Uxue Alberdi, Julio Soto
| Bertsoa entzun |
2008-04-26 Gabiria Sariketa [Bertsoa] / Uxue Alberdi, Julio Soto
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
U. Alberdi: Hau zer da? Nere kontra
indako konplota?
Ispilua hautsi dut
harrikada jota.
Aurpegian baditut
ehun bat pinporta...
Ea akatzen zaren
enpatxuak jota! (bis)
J. Soto: Neri tokatu zait ta
ikusi behar hau're!
Izter aldera juan naiz
xuabe-xuabe
ipurdi aldeak ere
eder-eder daude.
Zakur azala baino
goxoagoa zaude! (bis)
U. Alberdi: Itxuraz aritu da
odol onan bila
hontarako behar da
arkakuso pila.
Bakarra ezin zan izan
gutxienez mila!
Esan zazu nun sartu
duzu zuk kuadrila? (bis)
J. Soto: Arkakusoak bakarrik
gabiltzanez beti
gaua bero pasa dut
emeki-emeki.
Lotsatuta, ez zinake
egongo ederki
granorik haundina non
duzun bazeneki! (bis)
U. Alberdi: Arkakusoek dute
katxondoen sona
ziria sartuz dabil
broma eta broma.
Insektizidarekin
orain nator hona...
Ea mantentzen duzun
hain umore ona! (bis)
J. Soto: Hori ez botatzea
zuretzat hobe da
gustora egon zarela
hartu dut tankera.
Gauero izan nahi dut
holako egoera...
Goseak nago eta
etorri ohera! (bis)