BDB Bertsolaritzaren datu-basea

Information genérale

Kategoria

Bat-batekoa

Représentación

2008-02-09 Errenteria Jaialdia

Gai-emailea

Aizpurua, Karlos

Bertsolaris / Auteurs

Arzallus, Amets

Egaña, Andoni

Mendiluze, Aitor

Oiartzabal, Arkaitz "Xamoa"

Exercice

Launaka gaia-emanda

Sujet proposé

Akrostiko bat egitea nahi dut. Zortzi letrako hitz bat emango dizuet, eta bertso-lerro bakoitzaren lehen letra nik emandako hitz horren lehen letra izango da, eta nahi baduzue gaitzat ere har dezakezue hitz hori. Hitza da ilegalak.

Description

Air

Goizian goizik jeiki ninduzun I

Nom de la strophe

Zortziko handia (hg) / Lau puntuko handia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2008-02-09 Errenteria Jaialdia [Bertsoa] / Amets Arzallus, Andoni Egaña, Aitor Mendiluze, Arkaitz Oiartzabal "Xamoa"

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

---

A. Mendiluze:
Ihesbiderik ez dago hemen
legea bota digute.
Egia esan pasako zela
garbi genekien guk'e.
Hala ta guzti justizi uste bat
lege delakoen truke.
Ai! Baino alperrik dagoeneko
kondena sinatu dute.

A. Egaña:
Izenik ere merezi al dute
legeak eta kondenak?
ETA da dena, dena da ETA
grina oso nabarmenak.
Alde hortatik ideiak behintzat
legalak ditugu denak.
Asko barruan daude ordea
kalean behar dutenak.

A. Arzallus:
Ihesbidea zaila da hemen
lur hau maite dugu eta.
Egibideak ikusten ditut
galduta eta erreta.
Arnasbideei jarri nahi digu
legeak berak krisketa.
Askabideak estu daude ta
kalabozoak beteta.

Xamoa:
Izaera bat nahiz eta egin
litekeen sarri bi zati
egi izena nolatan jarri
gezur hain mingarri bati?
Atera egin nahi gaituzte nonbait
legeak kontra izaki.
Agian hala nahi dute baino
kostako zaie galanki!