2009-05-09 Bilbo Jaialdia [Bertsoa] / Sustrai Colina, Andoni Egaña

Sustrai Patxi Lopez izango da, eta Andoni Montilla. Mestallako palkoan batu zarete. Montillak Esquerra Republicanarekin dauka ituna eginda, eta aste honetan esan dutenez, gaztelaniako klaseak ordubete gutxiagoz emango dira aurrerantzean, katalana gehiago bultzatuko da. Patxik, berriz, PPrekin egin berri du tratua.

Description

Air

Espainian behera

Nom de la strophe

Hamarreko txikia (hg) / Bost puntuko txikia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2009-05-09 Bilbo Jaialdia [Bertsoa] / Sustrai Colina, Andoni Egaña

Nom de la strophe: Hamarreko txikia (hg) / Bost puntuko txikia (ip)
Localisation: XDZ - Xenpelar Dokumentazio Zentroa

S.Colina:
Partido berekoak
elkarren ezagun
Mestallako palkoan
bildu gara egun.
Nahiz ta gaur arte ginen
gu elkarren kuttun
jarraituko badugu
betirako lagun
hemen futbolai buruz
hitz egin dezagun. (bis)

A.Egaña:
Jokalariak orain
zelairaino irten
emaitza aurretikan
zaila da jakiten.
Nere buruai ai naiz
orain eragiten...
Erakutsiko dizut
Patxi astakirten
bai futbolaz eta bai
paktuak egiten. (bis)

S.Colina:
Beraz zelaian jarri
duzu zure mira
alde haundia dago
Veleztik Messira.
Futbola politika
ez ote da? Tira!
Euskadi rendituko
baitut Espainira
zuek segi zazute
Europai begira. (bis)

A.Egaña:
Zuen zentral parea
ez da mundiala:
Amorebieta gazte
Ocio txakala
zelai erdia ere
beti nola hala
Toquero da bixkorra
baina ez da bala
fuerte duzuena da
eskuin hegala. (bis)

S.Colina:
Bejondeizula lagun!
Zuzen ari zera
baina hola iritsi
leike urrunera
ta ez marko hau dugun
marko zurrunera.
Baloia bota ezkero
eskuin hegalera
batzuetan zelaitik
ateratzen gera. (bis)

A.Egaña:
PPrekin eginak
paktu bat txepela
Euskal Herria galdu
liteke horrela.
Pentsatu aldaketa
etorriko dela
jokalariak ere
oso laister, bela
denak errioxarrak
Llorente bezela. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section