Bertsos - Voir fiche Pour savoir plus sur cette section
2002-12-08 Errenteria Sariketa [Bertsoa] / Miren Artetxe
Bertsoa entzun |
2002-12-08 Errenteria Sariketa [Bertsoa] / Miren Artetxe
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Zure hitz denen zorroztasuna
eta minaren kamutsa...
Betitik nauzu nire bidean
aurrerantz gogorki bultza.
Eta zu zinen famili dena
lotu ohi zuen funtsa
zu zinen gure ehun bakarra
zu zinen guztion zuntza
ta gaur bezala egun honetan
ezin da bete zure hutsa.
Ezin ditugu gure tristurak
afari honetan ito
zure omenez elkartu gara
hemen neska ta mutiko.
Oroitzapena daukagu hurbil
ta bizia urrutiko.
Denok dakigu joan zarela
ta ez zarela etorriko
baina mahaiean eserleku bat
izango duzu betiko.
Minbizi batek eraman zaitu
gure Jainkoarengana.
Bide beretik nere bihotza
tristura batek darama.
Zuri zor dizut orain naizena
nere izen ta izana
ta betirako eramango dut
zure oroimenaren zama.
Beharbada ez nizun sobera esan
baina maite zaitut ama.