Bertsos - Voir fiche Pour savoir plus sur cette section
2002-08-11 Ikaztegieta Jaialdia [Bertsoa] / Sustrai Colina, Jexux Mari Irazu Muñoa
| Bertsoa entzun |
2002-08-11 Ikaztegieta Jaialdia [Bertsoa] / Sustrai Colina, Jexux Mari Irazu Muñoa
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
Irazu:
Ibilera aspaldin
dezente narrastu
aurrenengoa zein zen
aspaldian ahaztu?
Bideoa jartzeak
ezer txarrik ez du:
zuk lehen bezela segi
ta ni aberastu.
Colina:
Ez zara aberastuko
nahiz galdetu lasai
tratu osoa egiten
gaurkoan dugu jai.
Jarri ezazu kamara
jarri ezazu bai
baina nik telebistan
ez dut agertu nahi.
Irazu:
Ba azalduko zera
gauz zoragarria
ohean etzanda ondo
dotore jarria
kontua ta bestetan
a ze aldarria!
zortzi milimetro da
zintaren neurria.
Colina:
Hain neurri txikian
a ze exitoa!
Ni naiz armariotik
dijoan tipoa
nahiz egin nahi zenukeen
pornografikoa
igual irtengo zaizu
terrorifikoa.
Irazu:
Espektakulo eder
politak ikusi!
Armariotik salto?
bai lehenbailehen hasi
hiru-lau bueltarekin
guztia nahasi?
bideoa aterako zait
entierro ta guzi.
Colina:
Honek apaizarena
egingo ote du?
Abentura dulako
itxuraz eredu
ta gauzak probatzeko
gertuko gaude gu
ta igual hirunaka
proba dezakegu.
Irazu:
Proposamena izan da
dezente lizuna
baina haseran behintzat
arretaz entzuna.
Hirunaka hastea
guk horko jarduna
ta ordun zein izango da
grabatuko duna?
Colina:
Erantzuna ez al da
beti-betikoa
denen gustokoa ta
denen begikoa?
Eiteko pelikula
pornografikoa
nahikoa da kamara
automatikoa.
Irazu:
Nahikoa omen dala
hala degu jakin
baina hemen traturik
ez da elkarrekin.
Automatikoa nahiko
omen da behinepin
baina konforma behar
digitalarekin.
Colina:
Digitala ona da
aitortzen dut, hara!
Baina hortan oker bat
bada beharbada:
alper-alperrikan da
daukagun kamara
kukuso bat bezela
mugitzen bazara.