2004-08-01 Altzo Jaialdia [Bertsoa] / Sustrai Colina, Maialen Lujanbio

Parranda batean ezagutu duzue elkar. "Jiji" eta "jaja" pasatu dituzue hainbat ordu eta elkar agurtzeko mementoan, bi intentzio desberdin dauzkazue: bataren intentzioa da musu eta puntu; bestearena, berriz, musu punto com. Zuek aukeratu zein den bakoitzarena.

Description

Air

Kantore berri xarmant batzuek

Nom de la strophe

Zortziko handia (hg) / Lau puntuko handia (ip)

Localisation

Localisation: XDZ - Xenpelar Dokumentazio Zentroa
Collection / Fond / Projet: Bapatean Bilduma

2004-08-01 Altzo Jaialdia [Bertsoa] / Sustrai Colina, Maialen Lujanbio

Nom de la strophe: Zortziko handia (hg) / Lau puntuko handia (ip)
Localisation: XDZ - Xenpelar Dokumentazio Zentroa

M. Lujanbio:
Txozna barratik txozna barrara
ta bolumen ozenean
ibili gera nahiko zerbeza
urdailan almazenean;
oain emaidazu muxu txiki bat
masailera zuzenean
eta punto com akaso bihar
konturatzen naizenean. (bis)

S. Colina:
Nahiz ta Maialen ezezagunak
ginen gu biak lehenago
gaurko arratsez edan ditugu
hainbat katxi, hainbat trago;
muxu batekin hasiagatik
joan gaitezen urrunago
gaurko parrandak merezi baitu
muxu bat baino gehiago. (bis)

M. Lujanbio:
Hamaika trago, hamaika baso
jardun gera ttipi-ttapa...
Orain eskuak luzeak dauzka
lepora bota dit bata
eta bestea berriz gerrira
aparta zaitez, aparta!
Orain basorik ez dauka eta
eskutan zeoze falta. (bis)

S. Colina:
Beti izan zera neska polita
liraina eta lerdena;
intentziotan ni berriz nauzu
azala bezain gardena.
Arrazoi duzu orain eskutan
zeoze falta zaitena
baina zurekin egin nahi nuke
tragorikan goxoena. (bis)

M. Lujanbio:
Oain romantiko jarriko ote da?
Poesia du eredu
zabarkerian ibili ondoren
berdin uda, berdin negu.
Hobe muxu bat orain ta gero
noizbait segi dezakegu
gaur hasi eta bukatu ezkero
bihar ze egin behar degu? (bis)

S. Colina:
Ordu honetan erantzuteko
zail samarra da galdera
"Eta ze kristo egin liteke
bukaeratik aurrera?";
zure ustetan eginez gero
bi muxu eta etxera
orain harrotu zerade baina
bihar damutuko zera. (bis)

M. Lujanbio:
Etxe atarin hizketan hasi
gera bost t'erdik aldera;
zortziak dira eta oraindik
ez atzera ez aurrera....
Egunsentiak gauz bat ekarri
dit ta bitxia gainera:
gogoa ere joan egiten da
mozkorrarekin batera. (bis)

S. Colina:
Beraz mozkorra joan egiten da
aguro eta korrikan;
adibidea dirudienez
probatu duzu sarritan.
Zure ustetan nagoen arren
zerbait gehioren irrikan
aizu Maialen eskatu dizut
gosaria bakarrikan. (bis)

BDB Bertsolaritzaren datu-basea

Bertsos - Voir fiche Pour savoir plus sur cette section