BDB Bertsolaritzaren datu-basea

Information genérale

Kategoria

Bat-batekoa

Représentación

1996-05-04 Mutriku Lagun-artekoa

Conducteur/trice

Azkue, Juantxo

Ugarte, Arantza

Bertsolaris / Auteurs

Eizmendi, Juan Jose "Loidisaletxe II"

Meabebasterretxea, German

Exercice

Binaka gaia-emanda

Sujet proposé

Istripua izan da eta Meabe DYAkoa eta Loisisaletxe Gurutze Gorrikoa hor joan dira istripua izan den lekura. Biak batera iritsi dira eta zauritu bakarra dago. Zeinek eramango du?

Description

Air

Kantore berri xarmant batzuek

Nom de la strophe

Zortziko handia (hg) / Lau puntuko handia (ip)

Edukiari buruz

Entités

DYA

Gurutze Gorria

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

1996-05-04 Mutriku Lagun-artekoa [Bertsoa] / Juan Jose Eizmendi "Loidisaletxe II", German Meabebasterretxea

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

---

Meabe:
Gure lanean guk jartzen degu
berebiziko arreta;
DYA aldeko postuan gaude
prestatuta ta beteta.
Lekura orain iritsi gera,
ta hau da mutilan treta!
Eridu hau nirea dezula
lehenago iritsi naiz-eta. (bis)

Loidisaletxe II:
Nere bidaia ez dedin joan
inolaz ere hutsea,
berehalaxe saiatuko nauk
erabakitzen trantzea.
Bi anbulantzi ta zauritu bat
hauxen dek hauxe letxea!
Nik zauritua eramango dit,
hik eraman zak kotxea. (bis)

Meabe:
Nere ondokoak momentu hontan
hau da daukan pikardia!
Iruditzen zait egia esanda
hori dala gehiegia.
Soluziua emango dizut
eta ez al da egia?
Zuk hartu zazu erdia eta
nik hartuko det erdia. (bis)

Loidisaletxe II:
Bainan hor ere sortu zaiguk
ez zekiat zenbat lata!
Nere ustetan ez dek hautatu
oso erabaki aparta.
Orain zertako hemen hasarreu?
Zertako guk gaizki kanta?
Hoi egiteko hobeto diau
itsas erdira botata. (bis)

Meabe:
Zuk eman dezun arrazoiari
alferrik zertan erantzun?
Erido gutxi izaten degu,
suerte txarra da egun.
Alfer-alferrik bide ertzean
gure era honetan jardun.
Ia hurrena istripu baten
erido gehio daukagun. (bis)

Loidisaletxe II:
Behin honezkero hutsik ez noa,
nola nei ez zait inporta.
Alferrikako bidaia hoiek
benetan ditut gorrota
ta berehala konpondutzeko
bion arteko konplota,
besten bat behera bota dezagun
makilaz buruan jota. (bis)

Meabe:
Egia esanda ez zu eta ez ni,
ez gaude orain lorean;
etorri gera sirena piztu
eta kriston adorean,
ta gure lana beteko degu
oso era dotorean:
zu sartu zaite nerean eta
ni sartuko naiz zurean. (bis)

Loidisaletxe II:
Horrela ere gure auzia
ez da konponduko bate;
norbait entregau beharra dago
lan hau nahi badegu bete.
Hemen daudenek dirudienez
zauri txarra ez daukate.
Beraz, goazen gu kafia hartzera
beste bat zauritu arte. (bis)