Bertsos - Voir fiche Pour savoir plus sur cette section
Itzuleran jarriak [Bertsoa] / Jexux Mari Irazu Muñoa
Itzuleran jarriak [Bertsoa] / Jexux Mari Irazu Muñoa
Nom de la strophe:
Hamarreko txikia (hg) / Bost puntuko txikia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2012-02-26
Localisation:
XDZ - Xenpelar Dokumentazio Zentroa
I
Barcinaren kontuak
ez dabiltz glorian,
Jaurlaritza kiebra
jotzeko zorian,
Sabin Etxean “kezka”
PSE hobian...
Koxka batzuk beherago
burua ogian,
geroz eta gehiago
zerrenda lodian
II
Eliza berritzeko
milioiak Lorcara,
Lodosan ikastola
zigortuz horkara,
ze gorrotok behartu
lezake hortara?
Bat gehiago baino ez
aurreko sortara...
ta lasai joango dira
gauero lotara.
III
Gipuzkoak rotonda
du karril birekin,
sarrera-irteera
gutxi ez berekin,
peaje gabekoa
ez baita bide fin.
Etxe askotakoa,
agian, Bidegin
Berriak egin ahala
zaharrak berregin
IV
Traba guztiei aurre
eginari esker.
haur bahitzaileen gaia
lehertzear laster,
berrogei urteotan
zer gertatu da, zer?
seiehun umetik gora
ez da ba edozer
Ta orain arte inork
ez zekien ezer...
V
Jada askok burua
hauteskundeetan,
Lopez irabaztera...
–ez du esan zertan–
Urkullu amorratzen,
Otegi noiz bueltan?
ta Egiguren ere
joango da benetan...
garbi ez dagoena
nongo zerrendetan
VI
Norekin amesturik
ez bada gauero,
Llorente, Iraola,
Muniain, Toquero...
Katalan ta Euskaldunak
kopa bila ero
palkora igo eta
bostekoa bero.
Eskuak garbituko
al dituzte gero!