Bertsos - Voir fiche Pour savoir plus sur cette section
Hau panorama! [Bertsoa] / Estitxu Arozena
Hau panorama! [Bertsoa] / Estitxu Arozena
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
[Aldizkaria] Argitalpen data:
2012-09-06
Localisation:
XDZ - Xenpelar Dokumentazio Zentroa
Bukatu dira glamurrak
Zementuaren gailurrak
Banatzen ziren apurrak
Kamustutako aixturrak
Negu erdira iritsi gabe
eskastu dira ezkurrak
Berriro ere gure kaleetan
oinutsik dabiltz zakurrak
Botere eta dirutik hurbil
etxe oneko lapurrak
ibili dira bihurtu arte
erreskatearen lurrak
Aurreztu duna eta zorduna
noiz lehertuko den beldurrak
Euroaren zipriztina
Bihurtu zaigu ozpina
Susmatuz egi gordina
izan nahi nuke sorgina:
Gizalegea ahantzi eta
diruaren eragina
sustraietatik hau aldatzera
animatuko bagina.
Mundu ezberdin, mundu berri bat
nork ez du nahi imajina
Zergatikan ez, nik utopian
sines dezaket jakina
Gu bizi garen mundu erreal
hau baita sinestezina!