Bertsos - Voir fiche Pour savoir plus sur cette section
Monsieur Dabadie [Bertsoa] / Martin Halsouet "Ttipi Urruñarra"
Monsieur Dabadie [Bertsoa] / Martin Halsouet "Ttipi Urruñarra"
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Mila zortzi ehun eta berrogoita hamabi
Zuri mintzo natzaizu Monsieur Dabadie,
Zu zare eskualdunen kontsolagarri,
Zori onean zare gu ganat ethorri,
Ohore egin diozu gure herriari,
Manera guziez zare xarmagarri.
II
Zure presentzia da xarmagarria,
Kasi iduritzen zait izar bat berria,
Zuk ohoratu duzu gure herria,
Ekharri deraukuzu prima bat handia,
Liberti gaitezela bestetan jendia,
Gizon preziatua eta maitagarria.
III
Monsieur Dabadie, zutaz naiz mintzatu,
Ez ahal zare bada hortaz afruntatu,
Huts egin badut ere jauna barkhatu,
Eskola handitan ez banaiz pasatu,
Halere nahi zaitut onhezki aipatu,
Nere inozentzia ezagut zazu.
IV
Gure plaza berria egin eta beriala,
Jauna, izatu dugu zure beharra,
Bethi izatu zare gizon leiala,
Errekonpentsatzeko moianez ez bada,
Eginen dugu bada gure egin ahala,
Zure kontserbatzeko posible bada.
V
Monsier Dabadie, hitz batez barkhatu,
Pilotariak ere nahi ditut aipatu,
Onhezki bai ditutzu denak tratatu,
Zure prima handia dute estimatu,
Eta ohorezki Urruñan jokatu,
Holako hainitz ez da lehen izatu.
VI
Mila zortzi ehun eta berrogoita hamabian
Prima eman daukuzu bigarren aldian,
Holakorik ez da eskual herrian,
Kontserbatuko zare oraino agian,
Nik desiratzen zaitut denbora luzian.
Hemen egon zaitezen gure artean.
VII
Hunekin konplitzen ditut zazpi pertsu berri,
Guzietan aipatuz Monsier Dabadie,
bethi errespetu nahi diot ekharri,
Jauna gure herrirat baitzare ethorri,
Ohore handi hori zuk duzu ekharri,
Huntan gelditzen naiz, zure zerbitzari.
Iturria:
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/