Bertsos - Voir fiche Pour savoir plus sur cette section
Laboraria [Bertsoa] / Dussaut "Bardoztarra"
Laboraria [Bertsoa] / Dussaut "Bardoztarra"
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Ohore, amorio laborariari,
Gure hazteagatik nekatzen denari,
Haren medioz lurrak zerbait du emaiten,
Hari eskerrak oro girade bizitzen.
II
Haz-aurrak amaño amatako hartzen,
Hala balitz bezala bihotzez maitatzen:
Gure aitañori, laborariari,
Amorio dezogun eman haz-ordari.
III
Aski eskarniatuz, izertuz, nekatuz,
Bere osagarria milatan jokatuz,
Laboraria gaxoak mundia du hazten,
Eskerrik, nahi bada, eztian ukaiten.
IV
Ohean hiritarra dago ahatzerik,
Arrankura guziak lohan ehortzirik:
Laborariak eztu argi-lo egiten,
Aztalak ihinzean goizik tu etzaten.
V
Aroaren beldurrez ezta baratuko,
Hotzak, beroak deusek eztu lotsatuko:
Zonbat ere beituke lana bortitzago,
Hanbat hobeki zaio bularrez lotuko.
VI
Laborariak nekez geinatu ogia,
Zuk gozatuko duzu, hiritar nagia,
Nahi bezala zira beti zu izanen,
Aski nekez hark beitu artoa ukanen.
VII
Laboraria, jinen ote zaik eguna
Lehen errege batek hitzeman zeiana?
Goiz edo berant ote haie ikusiren,
Igant-oroz oiloa tupinan ezarten?
Iturria:
- Urkizu, Patri. Anton Abbadiaren koplarien guduak: bertso eta aire zenbaiten bilduma 1851-1897. Bertso bilduma. Donostia: Eusko Ikaskuntza, 1997. http://hedatuz.euskomedia.org/4008/