Bertsos - Voir fiche Pour savoir plus sur cette section
Artzain dohatsua [Bertsoa] / Pierre Mendibil
Artzain dohatsua [Bertsoa] / Pierre Mendibil
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Etxola bat da ene jauregia,
Aldean sailkatzat hariztegia.
Arthalde bat,
Halakorik ez baita hanbat,
Bazait niri behar bezenbat.
Ai! etzait itsusi!...
Ni naiz etxola huntako nausi!
II
Goiz-arratsak bethi deskantsu ditut,
Deuseren beldurrik nihondik ez dut,
Hemen nago
Errege baino fierrago,
Nik zer behar dut gehiago?
Ha! ez da itsusi...
Etxola huntan Piarres nausi!
III
Goizetan jaikirik argialdera,
Igortzen ditut ardiak larrera,
Eta gero
Itzalpean jarririk nago:
Nor da ni baino urusago
Ai! etzait itsusi!...
Ni naiz arthalde huntako nausi!
IV
Aitorensemeak, gazteluetan,
Bihotzak ilhunik daude goguetan.
Alegera,
Nik ez dut denbora sobera.
Kantuz nabila gain-behera.
Ai! etzait itsusi...
Etxolan nor da ni baizen nausi!
V
Jan onegiak barnea betherik,
Aberatsak nihoiz ez du goserik,
Eta bethi,
Ene trenpuaz da bekhaizti,
Diruz ez baitaite erosi,
Ha! ez da itsusi...
Etxola gazteluaren nausi!
VI
Noizbait Jaunari nik damu eginik,
Igortzen banindu aberasturik...
Zorigaitzez
Hesturik ninduke bihotzez,
Ene etxola hunen minez,
Jauna, barkha niri,
Utz nezazu etxolako nausi!
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/