Bertsos - Voir fiche Pour savoir plus sur cette section
Turra asto gainean [Bertsoa] / Joanes Etxeto "Senpereko Errient"
Turra asto gainean [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Aintzin urrian juan nintzen
Turraren egitera,
Heian bihotz onik bazen
Frogetan ematera,
Kartierreko uztailaren
Fruituaren biltzera,
Bai eta fede onaren
Oi, etsaminatzera.
II
Asto batekilan nuen
Segurki hasi turra,
Huntan erakatsi zuen
ez zela solas gura.
Hainitzetan zen agertzen
Mula bezen gogorra,
Maiz zen gibelaz itzultzen
Irakusteko ferra.
III
Lehenbiziko egunian
Patarrean jaustean
Etzen gelditzen lasterrian,
Ezin koka gainean.
Errekala erorita
Han nintzen istilean
Arropak zikhindu eta
Gorphutza re lurrean.
IV
Burriko furios hori
Unhatziaz zen eztitzen,
Ibiltziarekin kurri
Pausura zen ethortzen.
Zenbat bide kurutzetan
Xikanak zuen hartzen.
Burua beheratzetan,
Bai nitaz zen trufatzen.
V
Gisa hortan asto honek
Hartzen zuen kolera.
Frogatzen nuen nerorrek
Istantetik bertzela.
Gainera guan nahi eta
Ezin ongi prepara.
Hola eseiatu eta,
Guaiten nintzen lurrera.
VI
Hiruretan nau etxatu,
Bizkarretik lurrera.
Halere ez nau kolpatu
Gorphutzeko hezurra.
Ez zaut bada espakatu,
Desir zuen bezala,
Sokhatik nindakon lothu
Ahal nuen bezala.
VII
Asto zalhu kuraiosak
Zalderea jan eta
Egiten zituen phestak
Musikan hasi eta.
Behin batez kurritzean
Egin zauntan muinika.
Bai haphatzen ikhustean
Juan zerauntan lasterka.
VIII
Aldi batez asto hori
Larrian zaut espakatu,
Laun bat ez balitz ethorri
Ez nuken harrapatu.
Lasterrari eman eta
Harrek zuen kausitu
Sokhaz amarratu eta
Berriz nuen kargatu.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/